1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Отворање пат кон предвремени избори?

8 април 2008

Иницијатива на ДУИ за самораспуштање на македонскиот парламент, што би можело да значи и нови избори. Доколку кон иницијативата се приклучи и ВМРО ДПМНЕ, би можеле да се соберат потребните 61 глас во Собранието

https://p.dw.com/p/De0t
Дали пратениците ќе гласаат за самораспуштање на Парламентот?Фотографија: picture-alliance/ dpa

Опозиционата ДУИ денеска ќе иницира самораспуштање на македонскиот парламент. Оваа потпишана иницијатива од пратениците лидерот Али Ахмети му ја предочил и доставил на премиерот Никола Груевски на крајот на меѓулидерските средби кои вчеразапочнаа во Скопје на покана на премиерот.

Оваа влада нема капацитет да управува со земјата и да ги реши приоритетите: НАТО и спорот со Грција, вака ги образложи мотивите за иницијативата Рафиз Алити, потпретседател на ДУИ.

За самораспуштањето на Парламентот што отвора врата за нови избори, потребни се 61 глас. Ако кон оваа опција се приклучи и владеачката ВМРО ДПМНЕ, тогаш ќе се формира мнозинство.