Отворена најдолгата супер-брза железничка линија во светот

Трасата која е долга 2.298 километри го поврзува главениот град Пекинг со економската метропола Гуангжу на југот на земјата. Возовите кои ќе сообраќаат по неа достигнуваат брзина до 300 километри на час и за минување на дестинацијата им се потребни 8 намести досегашните 22 часа. По должина на линијата возовите ќе застануваат во сите поголеми градови. Според наводите на државните медиуми 26 декември симболично бил одбран за датум за отворање на железничката линија, бидејќи денеска се одбележува роденденот на основачот и долгогодишен комунистички лидер на Народна Република Кина, Мао Цетунг. Кина само пред пет години започна со изградбата на својата железничка мрежа за супер брзи возови, а по само три години располагаше со најголемата ваква мрежа во светот во вкупна должина од 8358 километри. До 2020. година таа треба да биде двојно зголемена на вкупно 16 илјади километри. До 2015. година според планот на Државниот совет на Народна Република Кина треба да биде завршена изградбата на четири главни магистрали, кои ќе бидат дел од главната мрежа на брз железнички транспорт. Две од нив ќе ја поврзуваат земјата од исток кон запад и две од север на југ.