Планиран американски ракетен штит во Романија
14 септември 2011Договорот е потпишан во Вашингтон за време на вчера започнатата работна посета на претседателот на Романија, Трајан Басеску на САД. Претседателот на САД Барак Обама го поздрави својот романски колега Трајан Басеску по потпишувањето на договорот. Спогодбата е израз на подготвеноста на претседателот Басеску да соработува во зацврстувањето на НАТО и да гарантира дека сојузниците се способни да ги пресретант заканите на 21 век, се наведува во соопштение на Белата куќа.
Според договорот на територијата на воената база Давеселу во јужниот дел од Романија ќе бидат распоредени елементи на американскиот систем за противракетна одбрана, вклучувајќи го радарскиот комплекс „Иџис“, центар за оперативно управување со ПРО и мобилни батерии со ракетни пресретнувачи СМ-3 „СДандарт-3“. Системот ќе го одржуваат околу 200 американски војници.
Автор: ЖА/ АТ/ дв/ миа
Редактор: Александра Трајковска