Планот на Ахтисари основа за ставот на ЕУ

ЕУ во Советот за безбедност ќе настапи со единствен став во однос на прашањето за идниот статус на Косово. По консултациите со колегите од другите земји, германскиот министер за надворешни работи Франк-Валтер Штајнмаер, актуелен претседавач со Советот на Унијата, рече дека како основа за ставот на Европејците и натаму служи предлогот на специјалниот пратеник на ОН Марти Ахтисари. Тој предвидува независност на Косово под меѓународен надзор, а Србија го отфрла како спротивен на меѓународното право. И неколку земји на ЕУ критички гледаат на тој план.