Повторно вакцинација во Врање

Откако во првата акција на вакцинирање на медиумските работници од С. Македонија, кога 105 ја примија првата доза, српските медиуми јавуваат дека денеска во тек е нова акција на имунизирање на припадници на „седмата сила“ од соседната земја. 

За вакцинацијата, како што за порталот Јужне вести, изјавиле од Здравствениот центар во овој српски град, се пријавиле 200  медиумски работници.

Вакцинирањето започнало утрината во Спортската сала во Врање, додаваат од Здравствениот центар.

„Вакцинирањето на новинарите од Република Северна Македонија е порака на солидарност, важно е на сите во регионот да им биде добро, а нам во Здравстениот центар Врање ни е чест што ни е доверена вакцинацијата на нашите соседи“, рече директорката на центарот, Лилјана Антиќ.

Повеќе:

-На вакцинација во Ниш - многумина без термин и во погрешен град

-Македонцки работи: Кој за Врање, кој за Ниш

-Викенд во Белград, бесплатна вакцина

Досега, освен во Врање, македонските граѓани можеа да се вакцинираат и во Ниш и во Белград.

Инаку досега во С. Македонија пристигнаа 24.000 дози на АстраЗенека преку механизмот Ковакс, контингент од 3.000 руски вакцини Спутник V и 8.000 дози Бионтек/Фајзер и 40.000 дози Спутник V од соседна Србија.

Во теков на месецот се очекува доаѓање на 200.000 дози на кинеска Синофарм и на нов контингент од механизмот Ковакс.

Околу 18 илјади граѓани, според министерот за здравство Венко Филипче, веќе се вакцинирани во земјата, а според проценките во соседна Србија се вакцинирани уште околу 10 илјади.