Подготовки за посетата на Меркел на Москва

По средбата со германскиот министер, рускиот претседател Владимир Путин изјави:

„Односите меѓу нашите две земји се на многу високо ниво во што и вие многу придонесовте. Затоа сметаме дека темпото на нашата соработка ќе се задржи и во иднина.

Во Москва е забележано дека германската канцеларка Ангела Меркел во новата политика кон Русија сака да стави поинакви акценти. Нејзината најава дека кон балтичкиот гасовод договорен меѓу Шредер и Путин пристпа треба да имаат и трети земји, при што во Варшава ја спомна Полска, во Москва досега не е коментирана. Претседателот Путин инистираше на континуитет во меѓусебните односи:

„Германија за нас секогаш беше важен партнер, како билатерално, така и со Европската унија. Посебно во координирањето на нашите позиции за актуелните проблеми„.

Синоќа Штајнмајер имаше средба и со неговиот руски колега Сергеј Лавров кој изрази задоволство од првиот контакт:

„Најважното што го покажа посетата на министерот Штајнмајер на Москва е јасната потврда на континуитетот на сите нивоа во германско-руските односи„.

На прво место во разговорите беше атомската програма на Иран. Лавров смета на брза обнова на преговорите со Техеран. Штајнмајер ја пофали руската посредничка улога и апелираше до Техеран:

„Од Иран очекуваме сигнали да се откаже од едностраните чекори и да се врати на преговарчката маса. Во тој случај гледам шанса да постигнеме успех„.

Тема на разговорите беше и балтичкиот гасовод меѓу Русија и Германија чија изградба ќе започне во идната недела. Полска и балтичките држави се сметаат за прескокнати од овој заеднички проект на рускиот концерн Газпорм и на германските фирми Еон и БАСФ. Шатјнмајер во Москва подвлече дека тој гасовод не им е конкуренција на постојните што минуваат низ Полска, туку неопходно дополнување. Лавров изјави:

„Многу е едноставно. Русија има гас. Во Германија и во други западно-европски земји постојат купувачи, па размислувавме како најповолно да го испорачуваме. Проектот е резултат на тоа„.

Двајцата министри инаку, ја подготвуваа и посетата на Ангела Меркел на Москва кон средината на јануари, како и новата рунда редовни германско-руски владини консултации кон средината на март. Во конечната оценка за посетата Штајнмајер изјави:

„Можеме слободно да се потрепеме врз постигнатите германско-руски односи и тоа важи не само за економските, посебно во енергетскиот сектор, туку и за културната размена. Сето тоа е широка основа за нашите односи врз кои натаму сакаме да работиме„.