Последен настап на Кофи Анан

Атмосферата на неговата последна прес-конференција релативно опуштена. По десет години Кофи Анан билансира и уште еднаш го искористи подиумот да побара решавање на кризата во Дарфур:

„Не можам доволно да ја подвлечам итноста на ситуацијата која секојдневно се влошува. Од регионот бегаат оние што помагаат, секој ден умираат луѓе и ќе умрат во уште поголем број ако итно не се подобри ситуацијата„.

Авганистан, Иран, Ирак, Кипар, реформите на Обединетите нации, сканадлот во проектот нафта за храна: за еден час Анан уште еднаш ги претстави големите теми од тој период од негов аспект.

Меѓу најтешките моменти за Анан е неможноста на Обедиентите нации да ја спречат војната во Ирак, како и скандалот нафта за храна. Тој се пожали дека скандалот беше искористен за организацијата да се стави во ќорсокак:

„Кога историчарите подоцна ќе се навратат кон ова време, мислам дека ќе речат: да, имаше погрешен менаџмент и некои соработници беа замешани. Но, сканадлот беше во главните градови и кај 2 илјади и 200 фирми кои правеа дил со Садам Хусеин„.

Тој уште еднаш подвелече дека Обединетите нации се неизбежна организација:

„Треба да се запрашате ако веќе ги нема Обединетите нации кој ќе зборува за сиромашните и слабите. Кој ќе ја координира помошта во некое следно цунами? Кој испраќа трупи за заштита на слабите и беспомошните? И кој треба да ги храни бегалците во Дарфур и во други региони?„

На прашањето кој шеф на држава му оставил најголем впечаток во изминатите десет години, Анан одговори дипломатски:

„Сите имаат свои квалитети„.