1. Прескокни до содржината
  2. Прескокни до главната навигација
  3. Кон други страници на DW

Последиците од невремето на Халкидики снимени со дрон

12 јули 2019

Грчката влада понуди помош за санирање на последиците од големото невреме кое го зафати туристичкиот регион Халкидики во средата. Седум лица загинаа, а 23 се уште се на лекување по бурата.

https://p.dw.com/p/3LxxD
Schweres Unwetter in Nordgriechenland
Фотографија: picture-alliance/dpa/Thestival.gr

Седмата и последна жртва на невремето на Халкидики е локален рибар кој останал на отворено море за време на големата бура. Според локалните жители, невремето траело само околу 20 минути, но ветровите со брзина од над 100 километри на час и поројниот дожд предизвикале огромна штета.

Schweres Unwetter in Nordgriechenland
Фотографија: picture-alliance/dpa/Thestival.gr

Повеќе од 120 луѓе, претежно туристи, побарале медицинска помош, а 23 се уште се на лекување во локалните болници, меѓу нив и една 72 годишна жена која е во критична состојба.

Повеќе патишта на полуостровот се уште се отсечени поради паднати дрвја и искинати електрични кабли, а портпаролот на грчката влада соопшти дека ќе бидат потребни најмалку два дена за да се нормализира состојбата и целиот регион повторно да добие струја.

Schweres Unwetter in Nordgriechenland
Фотографија: picture alliance/dpa/InTime News/G. Moisiadis

Грчката национална метеоролошка служба соопшти дека во невремето кое зафати повеќе делови на земјата во средата биле регистрирани повеќе од 5.000 молњи. 

Погледнете повеќе во видеото: 

Снимки од дрон на невремето на Халкидики