1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Почна светскиот социјален форум

27 јануари 2005

Со преку 100 илјади учесници во Порто Алегре започна големата манифестација на таканаречените противници на глобализацијата. Социјалниот форум е создаден како противтежа на економскиот форум во Давос.

https://p.dw.com/p/AePS

Уште на почетокот најголемиот број иницијативи се однесуваа на барањата погодените земји од поплавата во Азија да бидат ослободени од долговите. Комплетно, веднаш и без предуслови, побара мрежата што го носи името “Јубилеј југ“. Координаторката на оваа мрежа Беверли Кин изјави:

“Место слаби и симболични гестови на помош, земјите од Групата 7 и меѓународните финансиски институции кои се под нивна контрола, би можеле да им помогнат на голем број луѓе и на заканите од економски штети со тоа што веднаш ќе им ги избришат долговите“, побара Кин.

Освен ова, втората главна тема на собирот е мирот. Учесниците на социјалниот форум ќе минат низ центарот на Порто Алегре во поворка под името “Марш за мирот“.