Правна шлаканица за Трамп

Американски федерален судија привремено го блокира имигрантскиот декрет на претседателот Трамп, со кој на државјани од седум муслимански земји им е забранет влез во САД

Федералниот судија Џејмс Робарт во сојузната американска држава Вашингтон, каде на власт се Демократите, ја запре привременозабраната за влез во САД на државјани од седум претежно муслимански земји, воведена со декрет на претседателот Трамп. Според судијата, важноста на указот би предизвикала непроправливи штети за граѓаните на Вашингтон. Судската одлука важи на цела територија на САД, сѐ додека не биде донесена конечна одлука по поднесената тужба од генералниот обвинител на сојузната држава Вашингтон, Боб Фергусон. Во неа тој аргументира дека декретот на Трамп е спротивен на основните одредби од уставот на САД, зашто ги дискриминира луѓето врз основа на религија. На тужбата од Вашингтон подоцна се придружи и Минесота.

По  пресудата од Сиетл, царинските власти ги информирале американските авиокомпании дека може да превезуваат патници од забранетите земји додека трае судскиот процес. Министерството за правда најави обжалување на пресудата на судот од Сиетл.

Now live
01:03 минути
Сите содржини | 04.02.2017

Суд го блокира имиграцискиот декрет на Трамп

Наредбата на Трамп издадена минатата недела предизвика протести и конфузија на аеродромите низ САД.

Според декретот на американскиот претседател, државјаните од Ирак, Иран, Јемен, Либија, Сомалија, Судан и Сирија не можат да добијат влезна виза во следните 90 дена. Погодени се и граѓани на ЕУ и други земји со двојни државјанства од овие држави. Истовремено, на сите бегалци им е забрането доаѓање во САД во следните 120 дена, а на сириските - на неодредено време.


Бегалци кои го сменија светот

Алберт Ајнштајн

Познат по неговата Теорија за релативноста, германскиот Eвреин, добитник на Нобелова награда, Алберт Ајнштајн, бил во посета на САД во 1933. година кога му станало јасно дека не може да се врати во нацистичка Германија. Во една прилика тој напишал дека се чувствува како „привилегиран од судбината“ што живеел во Принстон, но речиси бил „засрамен што живеел во таков мир, додека останатите страдале“.

Бегалци кои го сменија светот

Марлен Дитрих

Германската пејачка и глумица Марлен Дитрих веќе беше ѕвезда и живееше во САД, кога го доби американското државјанство во 1939. година и ѝ сврте грб на нацистичка Германија. Проминентната бегалка говореше против Хитлер и настапуваше за војската на САД за време на војната. Истовремено, нејзините филмови беа забранети во Германија. Но таа кажа: „Родена сум како Германка и засекогаш ќе бидам тоа.“

Бегалци кои го сменија светот

Хенри Кисинџер

Професор на Харвард и авторитет во областа на меѓународните односи-Кисинџер беше 56-от државен секретар на САД и одигра клучна улога во обликувањето на надворешната политика. Во 1938. година, Хенри Кисинџер, роден во Баварија, избега од Германија за да не се соочи со прогон од нацистите. Чувствата кон татковината останаа исти: „Германија никогаш не престана да биде дел од мојот живот“, изјави тој.

Бегалци кои го сменија светот

Медлин Олбрајт

Родена во денешна Република Чешка, Медлин Олбрајт и нејзиното семејство дојдоа во САД во 1948. година кога комунистите ја презедоа власта во нејзината татковина. Таа почна да се занимава со политика и стана највисоко рангираната жена во владата на САД: Медлин беше првата жена државен секретар на САД (1997-2001).

Бегалци кои го сменија светот

Џорџ Вајденфелд

Роден во Виена во 1919. година, лордот Џорџ Вајденфелд бил британски Евреин и издавач. Тој емигрирал во Лондон по анектирањето на Австрија од страна на нацистите. Бил соосновач на издавачка куќа и работел во кабинетот на првиот претседател на Израел. Го финансирал спасувањето на христијаните од Сирија и Ирак. „Не можам да го спасам светот... но имам долг за отплаќање“, се неговите зборови.

Бегалци кои го сменија светот

Бела Барток

Унгарскиот композитор, виртуоз на пијано и колекционер на народна музика, Бела Барток, иако не бил Евреин, се спротивставил на подемот на нацизмот и прогонот на Евреите. Во 1940. година тој се преселил во САД. Тој еднаш изјавил: „Мојата главна идеја е братство на луѓето, над сите конфликти“.

Бегалци кои го сменија светот

Милош Форман

Иако веќе бил познат режисер во татковината, тој ѝ го свртел грбот на Чехословачка и се преселил во САД по Прашката пролет во 1968. година. Подоцна, Милош Форман режираше два меѓународно познати филмови, кои освоија Оскар.

Бегалци кои го сменија светот

Изабел Аљенде

Чилеанскиот претседател Салвадор Аљенде беше насилно симнат од власт со пучот од 1973. година. Ќерката на неговиот братучед, Изабел, избегала во Венецуела откако почнала да добива смртни закани. Таа подоцна се сели во САД. Нејзините романи се меѓународно признати класици на магичниот реализам, како „Куќата на духовите“ и „Ева Луна“.

Бегалци кои го сменија светот

Мириам Макеба

Мириам Макеба беше на турнеја во САД, кога властите во Јужноафриканската Република ѝ го поништија пасошот поради нејзино учество во кампањата против апартхејдот и подоцна ѝ забранија да се врати во државата. Нејзината песна „Пата пата“ беше светски хит во 1967. година. Легендарната пејачка живееше во САД и Гвинеја пред повторно да може да се врати во сопствената земја, една деценија подоцна.

Бегалци кои го сменија светот

Седечки бик

Лидерот на Сијуксите, Татанка Ијотаке – Седечки бик е еден од најпознатите поглавари на домородните Американци во историјата. Неколку години од животот ги поминал како бегалец во Канада, каде што заминал во 1877. година. Во 1881. година се враќа во САД, каде првично бил затворен, по што бил ослободен и вратен во резерват.

Бегалци кои го сменија светот

Невен Суботиќ

Како и неговиот колега, Ведад Ибишевиќ од Херта Берлин, играчот во Бундеслигата, Невен Суботиќ побегна од војната во БиХ како дете. Свесен за тешките животни услови, Суботиќ во 2012. година основа фондација за помош на луѓето во најсироманите делови на светот и пристап до чиста вода.



Следете нѐ