Протестирам за фер избори, ГДОМ за избори на 5 јуни

Доумерено облачно време со сончеви и пркосни периоди, најавува за денеска движењето Протестирам во повеќе градови во Македонија.

Според соопштението на организацијата, денеска ќе се протестира во Скопје, Штип, Велес, Тетово, Битола, Струмица, Радовиш и Гевгелија. Приклучување кон протестите најавиле и земјоделци од Крива Паланка и Облешево кои планираат блокади на патиштата.

Фокусот на денешниот протест во Скопје ќе биде на неопходните реформи за фер и демократски избори.

Контра-протести за вечерва најавија и поддржувачите на владејачката партија ВМРО-ДПМНЕ. Здружението ГДОМ на улиците во Битола, Штип, Велес, Делчево, Гевгелија, Струмица, Куманово, Радовиш и Тетово, ќе бара одржување избори на 5 јуни.

„Стоп за деструктивните сценарија, доста ни е од наметнатата криза. Избори мора да има, народот мора да го искористи демократското право да одлучува за својата иднина“, ја пренесуваат провладините медиуми пораката на ГДОМ.