Протести во Германија поради депортацијата на Авганистанците

Во насока кон Кабул вчеравечер беа првпат депортирани 34-ца одбиени баратели на азил од Авганистан. На аеродромот во Франкфурт имаше протести на стотици луѓе против ваквата мерка. Критики доаѓаат и од опозицијата и организацијата Про азил.

Протерувањата на Авганистанците е спорно, поради тоа што во големи делови од таа земја сѐ уште има борби меѓу владините трупи и талибанските бунтовници. Министерот за внатрешни работи Томас де Мезие со протерувањата сака да испрати сигнал дека не сите бегалци од Авганистан добиваат азил во Германија.