Путин: еднострана независност на Косово само со поддршка на Запад

Рускиот претседател Владимир Путин смета дека до еднострано прогласување независност на Косово може да дојде само со поддршка на запад, пренесува денешен „Московски комсомолец“. Според Путин во тој случај запад ќе ја сноси и одговорноста за последиците. Изјавата Путин ја дал на средба со 46 меѓународни политиколози и аналитичари експерти за Русија. Косовските медиуми денеска пишуваат дека ЕУ се подготвува да ја признае независноста на Косово и без резолуција во СБ на ОН, доколку преговорите меѓу Белград и Приштина не дадат резултат. Повикувајќи се на западни извори, весникот „Зери“ пишува дека во Унијата постои поголема подготвеност отколку претходно да се соочи со предизвиците од донесувањето на таква одлука.