Реакции на Тачи и Сурои по гласањето

Лидерот на опозиционата партија Демократска партија на Косово Хашим Тачи денеска порача дека овие избори не се поврзани со статусот на покраината бидејќи Косово ќе прогласи независност веднаш по крајниот рок за преговори 10 декември. Тачи според анкетите се смета за фаворит на изборите. Лидерот на ОРА, Ветон Сурои пак по гласањето ги повика граѓаните што помасовно да излезат на изборите. „Денешното гласање е важно за Косово бидејќи покажува дека сме во состојба и во моментите кога се одлучува за статусот, да организираме избори“, рече Сурои.