Реакции по планот на Ахтисари

Независност за Косово под меѓународен надзор, предлага специјалниот пратеник на ОН за Косово Марти Ахтисари во конечната верзија која беше доставена до СБ на ОН. За Приштина ова е историски момент, а косовското раководство се надева дека СБ ќе го прифати предлогот без одолговлекување. За Белград независност е неприфатливо решение. И Русија повтори дека е против предлогот и се залага за продолжување на преговорите. САД, ЕУ и НАТО го поддржаа предлогот на Ахтисари кој ќе придонесе кон стабилноста на регионот и за иднината на Косово.