Републикански електор си поднесе оставка: „Не можев да гласам за Трамп“

Наместо да го даде гласот за Доналд Трамп, член на електорскиот колегиум си поднесе оставка. Во интервју за ДВ тој објаснува зошто неговата совест не му дозволила да му помогне на Трамп да стане претседател.

ДВ: Што придонесе да одлучите дека не можете да го дадете гласот за Доналд Трамп?

Арт Сиснерос: Кога бев избран да ја извршувам оваа благородна позиција сфатив дека не разбирам многу за историјата на истата, па затоа почнав да истражувам кои се одговорностите на електорите при формирањето на електорскиот колегиум и открив дека тие треба да гласаат според својата совест, а не по секоја цена како што е волјата на мнозинството на гласачи. Тие биле избирани како претставници кои гласале според својата совест.

Кога сфатив дека тоа била историската улога на електорите, се прашав себеси: „Што ми наложува мојата совест?“ Како христијанин сфатив дека морам да се водам по Библијата и да видам што вели за тоа за кого треба да гласам и дали се осврнува на гласањето. Открив дека се осврнува и дека дава специфични насоки за тоа каков тип на личност треба да избереме и сфатив дека Трамп не ги исполнува тие квалификации.

Од вашето христијанско гледиште, на кој начин Доналд Трамп не ги исполнува квалификациите за претседател?

Тие се доста едноставни и не се екстремно сложени. Според нив, тоа треба да биде човек кој се плаши од Бог, кој владее правично и фер според стандардите на Бог и тоа значи дека не фаворизира одредени групи на луѓе или пријатели. Тоа значи дека законот е еднаков за сите луѓе. Тоа значи дека не крадеме од луѓето и дека не ја користиме власта за сопствени цели.

Можете да видите дека дури и како бизнисмен тој ја користел владата и лобирал на нефер начин за да оствари лична корист. Тој користеше влијаније за да добие туѓа приватна сопственост за сопствениот бизнис. Тој е индивидуа која го искористи своето влијание за сопствена предност. Го разбирам зошто го прави тоа, но тоа значи дека не сметам дека како човек со моќ тој ќе се однесува кон сите фер.

Имаше ли конкретен момент кој ја предизвика вашата одлука или тоа беше процес?

Тоа беше повеќе процес. Тој е ист. Ништо не се промени кај Трамп од пред една година, од пред шест месеци и денес. Тоа беше процес на зреење на моето убедување за кого треба да гласам. Откако тој стандард беше јасно поставен во мојот ум, од тогаш во ниту еден момент Трамп не се квалификуваше за таа улога. Промената не беше толку кон Доналд Трамп колку што беше во моето разбирање за тоа кои се квалификациите. 

Трамп: популист, могул, претседател

Семејството, империјата

Во кругот на најмилите: Доналд Трамп со сопругата Меланија, ќерките Иванка и Тифани, неговите синови Ерик и Доналд јуниор, како и внуците Кај и Доналд јуниор III. Трите деца работат како заменици во „Империјата Трамп“.

Трамп: популист, могул, претседател

Неговиот татко: Фредерик јуниор

Почетниот капитал за своите бизниси Трамп го добил од својот татко Фредерик. Тој на почеток му подарил еден милион долари, а по смртта во 1999 на Доналд и неговите три останати деца им оставил во наследство имот од 400 милиони долари.

Трамп: популист, могул, претседател

Милијарди заработени со помош на марката Трамп

Трамп инвестира агресивно, постојано доживува неуспеси, но долгорочно има успешен биланс, на пример со Кулата Трамп во Њујорк. Својот имот Трамп денес го проценува на десет милијарди долари. Експертите сметаат дека пореална е третина од оваа сума.

Трамп: популист, могул, претседател

„Многу добар, многу паметен“

Тао го вели Трамп самиот за себе, додавајќи дека студирал на елитниот универзитет Вортон во Филаделфија, каде се стекнал со бечелор-диплома во 1968. година.

Трамп: популист, могул, претседател

Капетан Трамп

Претходно неговиот татко го испратил 13-годишниот Доналд во воен интернат во Корнвол за да учи диспциплина. На крајот на школувањето се стекнал дури и со офицерски чин.

Трамп: популист, могул, претседател

Со коскен шилец избегнат ангажман во Виетнам

Трамп меѓутоа успеал да избегне учество во војната во Виетнам. Спортскиот млад човек бил прогласен за неспособен за војска поради коскен шилец во петицата.

Трамп: популист, могул, претседател

Првата сопруга: Ивана

Во 1977 година Трамп се ожени со чешката манекенка Ивана Зелничкова. Три деца се родени во бракот кој постојано беше во сенка на гласините за различни афери.

Трамп: популист, могул, претседател

Семејство број два

Во 1990 година Трамп се разведе од Ивана и се ожени со својата втора сопруга, 17 години помладата Марла. Заедничката ќерка се вика Тифани.

Трамп: популист, могул, претседател

Девојки, девојки

Трамп не се покажуваше радо во јавноста само со својата жена, туку милуваше да се фотографира опкружен со „мисици“ од различни избори на убавици. Од 1996 до 2015 година тој беше главниот спонзор на изборот за Мис универзум во САД.

Трамп: популист, могул, претседател

Како се прават пари

Како брзо да се заработат милиони? Книгата на Трамп „Начинот на склучување зделки“ дава упатства, таа е делумно автобиографска, делумно советник за амбициозни бизнисмени. Ова дело на Трамп не само што стана бестселер, туку и го стави авторот во фокусот на вниманието на јавноста.

Трамп: популист, могул, претседател

Трамп во политиката

Трамп настапуваше во свое ТВ-шоу, се појавуваше пред камери, но со политика не се занимаваше. Но, на 16 јуни 2015 година најави учество во трката за избор на републикански претседателски кандидат. Неговиот слоган е „Да ја направиме Америка повторно голема“. Кампањата ја водеше со настапи со семејството и со навреди кон доселениците, муслиманите, жените и своите конкуренти.

Трамп: популист, могул, претседател

Функција со достоинство

Дали популистот и шоумен сега ќе се претвори во предводник на слободниот свет?Многумина тоа не можат да си го замислат. Но, животниот пат на Доналд Трамп покажува: овој човек располага со преобразувачка способност на камелеон.

Вие одлучивте да се повлечето од вашата функција откако станавте мета на голема критика откако кажавте дека не би можеле да гласата за Доналд Трамп. Дали се каете за одлуката?

Убеден сум дека тоа беше вистинската одлука. Стандардите се сеуште истите и не мислам дека нешто се промени кај него. Тој сеуште не се квалификува. Главната причина поради која поднесов оставка беше дека во изборниот процес, во нашата сојузна држава Тексас, има согласност дека треба да се гласа за номинираниот кандидат. Затоа луѓето ме избраа, но јас не им кажав за тоа што ми се случуваше и за еволуцијата на моето размислување. Тие сепак ќе најдат некој кој ќе гласа за номинираниот, јас ја кажав мојата порака дека тоа не можам да бидам јас затоа што не можам да правам компромиси.

Дали имате порака или нешто што би сакале да им порачате на останатите републикански електрои, со оглед на тоа дека и во самиот тек на кампањата многу републиканци имааа сомнежи за Трамп?

Мислам дека електорите мора да сфатат каква е нивната позиција. И дека нивната улога никогаш не била креирана за да го потврди изборот на народот. Тоа не е нашиот систем. Во таа смисла нашиот систем не е чиста демократија, тоа повеќе наликува на република. Тие треба да размислат за тоа која е нивната улога и да размислат што им вели нивната совест. Не ги насочувам луѓето како да размислуваат, Само објаснувам како јас размислувам, но треба да гласаат како што им налага совеста.

Арт Сисернос е републиканец од Тексас. Тој се повлече од функцијата електор бидејќи одлучи дека не може да го даде неговиот глас за Доналд Трамп. Интервјуто го водеше Михаел Книге.

Поврзана содржина

Следете нѐ