Ромни го избра Рајан за потпретседател

Американските медиуми ЕнБиСи њуз и Хофингтон пост информираат од извори во тимот на Ромни дека ваквата одлука и официјално ќе биде соопштена во текот на денот. Од тимот кој ја води кампањата на Ромни информираат дека изборот е направен од пократка листа на кандидати, во која освен конгресменот од Висконсин Пол Рајан, биле вклучени и сенаторот од Охајо Роб Портман и поранешниот гувернер на Минесота Тим Пауленти.

Неделите минати во кампања се чини дека не вродуваат со плод, како што покажува последната анкета спроведена од телевизиската мрежа Фокс њуз, која сугерира за пад на неговата поддршка меѓу избирачите.

Од друга страна, демократскиот кандидат и актуелен претседател на САД Барак Обама ја зголемил својата предност во анкетите, особено меѓу независните избирачи, покажува истата анкета.

По бомбардирањето со предизборните огласувања, негативниот извештај за патувањето во странство на Ромни и постојаното актуелизирање на неговите проблематични даночни пријави довеле до намалување на неговата популарност.

Оттаму, Обама ја оствари најголемата предност откако Ромни стана веројатен претседателски кандидат на републиканците. Според анкетата, Обама би добил 49 отсто од гласовите во однос на 40 отсто за Ромни, доколку изброите би се одржале во моментов. Минатиот месец, на пример, Обама имаше предност од четири проценти. Анкетата покажала дека околу 30 отсто од независните избирачи се неопределени за кого да гласаат.