САД и Франција сакаат да го засилат притисокот врз Иран

Во конфликтот околу атомската програма на Иран, САД и Франција имаат намера да го засилат притисокот врз водсвото во Техеран. Американскиот претседател Џорџ Буш соопшти дека се залага за дипломатско решение, но нема да толерира Техеран да собере знаење за произведување атомско оружје. И францускиот министер за надворешни работи Бернар Кушнер го потврди неговиот цврст став во атомскиот спор. Иран со нуклеарно оружје е неприфатлива перспектива, рече Кушнер. – Денеска во Вашингтон се среќаваат претставници на петте вето сили и Германија на разговори околу можни санкции против Иран.