Саркози говореше пред Европскиот Парламент

Францускиот претседател Никола Саркози во говорот пред Европскиот Парламент денеска изјави дека Европа мора да си го сочува својот идентитет во глобализираниот свет. Истовремено предупреди од „безглава либерализација“ која Европа би ја ставила во подредена положба во однос на нејзините трговски партнери. Додека Франција се соочува со најава за серија штрајкови, Саркози пред Парламентот рече дека ЕУ мора да го отфрли економскиот протекционизам , но дека истовремено мора да ги заштити народите да не станат жртва на нелојалната конкуренција. Во однос на проширувањето на ЕУ, Саркози изјави дека блокот мора да го зачува својот идентитет и заеднички да работи на поставување на идните граници.