Сензација во Пјонгјанг
22 јуни 2007
Тој е првата висока официјална личност што по пет години ја посетува оваа земја.
Претходната вечер Хил спокојно посматраше еден натпревар на јапонската безбол – лига во Токио. Враќањето за Вашингтон беше одложено за еден ден со образложение: на Хил му е потребен кус одмор по диломатските активности во неколку држави. Но, одеднаш скршнување преку Јужна Кореја, директно за Пјонгјанг:
„Во понеделникот примивме покана и моравме бргу да реагираме„.
На тој начин повторно дојде до придвижување во преговорите за запирање на северно-корејските атомски постројки. Вусшност, со месеци траеше затишје, иако беше постигната согласност: кон средината на февруари Северна Кореја се согласи да ја запре спорната атомска програма во рок од 60 дена, до колку за возврат добие доволно нафта и ориз. Меѓутоа, Пјонгјанг не го почитуваше рокот со образложение дека нема пристап до 20-те милиони долари севернокорејски пари, депонирани во една банка во Макао. Чекот беше замрзнат на притисок на Американците. По компликувани постапки преку Русија и Кина, се чини парите повторно им се на располагање на властите во Пјонгјанг. Тие веднаш реагираа со гест на добра волја и повторно поканија посматрачи од Меѓународната агенција за атомска енергија. Се чини, сега е повторно на дофат запирањето на спорниот атомски комлекс во Јонгбјонг, што е основа за смирување на затегнатостите во регионот, изјави Хил во Пјонгјанг:
„Сакаме да продолжат шест-партитните преговори и се надеваме дека ќе го надополниме времето загубено во пролетните месеци„, изјави американскиот дипломат.