Серија земјотреси предизвикаа паника во Скопје

Серија земјотреси вчера во погодија Скопје, од кои најсилниот со магнитуда од 5.3 степени. Потресите предизвикаа нервоза и паника кај граѓаните, од кои голем дел ноќта ја минаа под отворено небо, стравувајќи од нови земјотреси.

Првиот послаб земјотрес бил почувствуван рано утрото во неделата, а најсилниот попладнето. По него следувале уште неколку потреси со послаб интензитет.

Никој не бил повреден во земјотресите, но многу граѓани се пожалиле на повреди откако во паника ги напуштале своите домови.
Според официјалните податоци, најмалку 30 граѓани побарале лекарска помош, од кои тројца биле задржани на болничко лекување.

Според Сеизмолошката служба, главниот земјотрес го следеле уште 10 помали потреси. Мала материјална штета е пријавена на некои постари згради.

Епицентарот на потресите бил во околината на Скопје, кое важи за трусно подрачје. Во 1963 година, катастрофалниот земјотрес го срамни со земја градот и однесе над 1.000 човечки животи.