Сеуште нема согласност за предлогот на Саркози за Косово

Лидерите на Г8 на самитот во Хајлигендам сеуште не постигнале договор околу предлогот на францускиот претседател Николас Саркози за шестмесечно одложување на гласањето на резолуцијата за идниот статус на Косово во советот за безбедност. Саркози претпладнево изјави дека неговиот предлог бил разгледуван до доцна синоќа, но сеуште нема напредок. Косовскиот премиер Агим Чеку побара од Западот да не ја „изневери довербата“ на косовските Албанци, како и дека секое одлагање на решението ќе предизвика растечко незадоволство на Косово. Српскиот премиер Воислав Коштуница воочи утрешните разговори со рускиот претседател Владимир Путин во Санкт Петерсбург, изјави дека е време да се покренат нови идеи за нови преговори за разумно решение за статусот на Косово.