Се зголемува бројот на жртвите во Пакистан

Најмалку 25 лица загинаа, а над 70 се повредени во двата бомбашки напади во пакистанскиот град Равалпинди. Експлозиите се случија кусо една по друга во различни делови на градот. Првата бомба била подметната во автобус во кој се возеле вработени на Министерството за одбрана. Втората бомба беше активирана на пазар во градот. Поради најновите напади заострена е безбедносната ситуација во поголемите градови во Пакистан.