1. Прескокни до содржината
  2. Прескокни до главната навигација
  3. Кон други страници на DW
Здравје

Се зголемува бројот на фалсификувани ковид-пасоши

ЕМФ | агенции
15 јануари 2022

Сѐ поголем број невакцинирани лица се обидуваат да си обезбедат влез во ресторани и продавници со фалсификувани сертификати за вакцинација.

https://p.dw.com/p/45ZdX
Symbolbild Digitale Covid Zertifikate - Flugeinreise
Фотографија: Frank Hoermann/SVEN SIMON/picture alliance

Властите во речиси сите германски покраини имаат регистрирано зголемување на бројот на фалсификувани сертификати за вакцинација. Анкета на агенцијата ЕПД, направена во министерствата, покраинските криминалистички служби и покраинските полиции, бројот на откриени фалсификати во текот на изминатата година бил рапидно зголемен.

На пример, во покраината Баварија, во октомври 2021 година биле откриени 340 случаи, а во декември повеќе од 1900! Во покраината Северна Рајна-Вестфалија бројот на откриени фалсификати исто така континуирано се зголемувал и во декември минатата година достигнал 1200.

Бројот на случаи варира многу од покраина до покраина и се движи од неколку десетини до повеќе илјади случаи во 2021-та. Вкупниот број на ниво на државата изнесува најмалку 20.000 откриени случаи. Кон тоа треба да се додадат и неоткриените фалсификати. Поради тоа, вистинските размери на фалсификувањето сертификати не може да се одредат сериозно, објаснува полицијата во Берлин.

Covid-19 Impfzertifikat
Бројот на фалсификувани сертификати се зголемува континуираноФотографија: ERWIN SCHERIAU/APA/AFP/Getty Images

Досега нема пресуди

Бундестагот во ноември, под притисок пред сѐ на покраинските министри за правда, со промена на законот утврди дека фалсификувањето на сертификатите за вакцинација е казниво исто како и фалсификување на други потврди за здравствената состојба. Меѓутоа, оттогаш не се донесени пресуди против фалсификатори. Во повеќе покраини се вели дека времето е прекратко за веќе да има донесени пресуди.

Фалсификуваните документи за вакцинација најмногу се откриваат во аптеките, каде се добиваат дигитални сертификати. Но, фалсификати пријавуваат и работодавачи, а случаи на измама со потврдите за вакцинација открива и полицијата и припадниците на службата за јавен ред при нивните контроли. Исто така, дел од фалсификаторите се откриени и од страна на лекари, или по укажување на фирми кои изработуваат печати.

- повеќе на темата: Јагма за лажни ковид сертификати - ниту затворските казни не ги плашат измамниците

Полицијата во четвртокот (13.03) спроведе рација кај пациенти на лекар во регионот Швабија. Направени се претреси на станови кај околу сто лица, а од некои е земена и крв. Според сомневањата, лекарот, кој последно работел во Вемдинг, на пациентите кои не сакале да се вакцинираат им издавал потврди за вакцинација, а на пациентите кои сакале да се вакцинираат, им создавал привид на вистинско вакцинирање.