1. Прескокни до содржината
  2. Прескокни до главната навигација
  3. Кон други страници на DW
Здравје

СЗО: Прележан Ковид не е заштита од инфекција со Омикрон

ЕМФ | афп
2 декември 2021

Лицата кои прележале Ковид не се заштитени од инфицирање со новиот корона-сој, Омикрон, се вели од Светската здравствена организација.

https://p.dw.com/p/43kIu
Covid-19 - Neue COVID-19-Variante Omicron
Фотографија: Pavlo Gonchar/Zumapress/picture alliance

„Сметаме дека претходна инфекција не штити од Омикрон“, изјави денеска инфектологот Ане фон Готберг од јужноафриканскиот Национален институт за преносливи болести (НИЦД). Овој проблем и натаму се истражува, рече Фон Готберг на прес-конференција, но додаде и дека првичните набљудувања говорат дека со Омикрон може да се заразат и да заболат и лица кои веќе прележале Ковид. Нивните симптоми, меѓутоа, се помалку тешки.

Во меѓувреме присуството на Омикрон е докажано во повеќе од 20 земји, меѓу кои и Германија. Првите Омикрон-случаи денеска ги пријави Индија.

Infografik COVID-19 Länder mit Omikron 02.12. 08:30 EN

Центарот за контрола и превенција на болести на Африканската унија предупреди дека не треба да се крева паника поради новата варијанта на коронавирусот. „Нема основа за паника“, рече шефот на овој центар, Џон Нкенгасонг, додавајќи: „Не сме без заштита.“

Повеќе:

Омикрон: ЕК повикува на вакцинирање и бара да нема паушално затворање граници

Омикрон и заштитата на постоечките вакцини

Омикрон дошол во Европа порано отколку што се мислеше

Африканската унија е вознемирена, но „не смета дека состојбата не може да се контролира“. Центарот за контрола и превенција на болести на Африканската унија веќе „одамна“ се подготвува за појава на нова корона-варијанта, рече Нкенгасонг.

Стапката на вакцинација во Африка е многу ниска. Само 7% од 1,2 милијарди жители се целосно вакцинирини против коронавирус. Тоа се должи особено на недоволната снабденост на континентот со вакцини, како и скепсата кон вакцините.