Сирија – избори

Во Сирија денека почнуваат парламентарни избори кои ќе траат и во текот на утрешниот ден. Големи промени не се очекуваат, со оглед на тоа што две третини од 250 места во парламентот се резервирани за партијата Баат на претседателот, Башар ал Асад и неговите сојузници. Останатиот дел од пратеничките места ги освојуваат независни кандидати, чија што кандидатура мора да биде потврдена од страна на сириската влада. Опозицијата ги повика граѓаните на Сирија да ги бојкотираат изборите. Право на глас имаат околу седум милиони луѓе.