Сиромаштијата и неинформираноста го зголемуваат загадувањето

Загадениот воздух кој го дишат граѓаните на Србија е жешка тема во студените денови. Додека едните се грижат дали им е загрозено здравјето и купуваат маски, други уверуваат дека нема место за паника.

Ниш е град со лош стандард. И со лош воздух. Иако на прв поглед не изгледа така, овие две работи се многу поврзани. Тоа посебно го покажуваат зимските месеци во сезоната на греење кога се е сиво и тмурно- и улиците и граѓаните. Стари згради и фасади над кои се шири чад, валкан снег, влага во воздухот и луѓе со сериозен израз на лицата- така изгледа градот во зима. Поради таа сива и зачадена слика, сезоната на греење им служи како изговор на градските власти за тоа што Нишлиите дишат загаден воздух.
„И во Ниш и во другите поголеми градови во Србија загадениот воздух е последица на емисијата на полутанти од индустријата, сообраќајот, а особено во зимските месеци од индивидуалното греење. Поради тоа во зимските месеци имаме зголемена концентрација на ПМ10 честички во воздухот“, вели за ДВ секретарката на Секретаријатот за заштита на животната средина на градот Ниш, Ивана Крстиќ. Во ПМ10 честичките се наоѓаат тешки метали како олово, арсен, кадмиум и никел, но градските претставници уверуваат дека тие се во дозволените граници и дека нема зголемено присуство на тешки метали.

Природа и животна средина | 26.01.2019

Нема потреба за паника?!
Според Крстиќ, надминувањето на дозволената концентрација на ПМ10 честички лани се случило „само 56 дена во годината“. „Нема потреба за паника“, вели таа.
Дали 56 денови во годината се навистина „само“, ако се има предвид дека тоа е една шестина од годината и дали градот прави нешто по тоа прашање? Одговорот од градските власти е дека се прави се што се може, а тоа е „пред се мерење кое е важно бидејќи тогаш знаеме каков воздух дишеме“.
Прашањето е: Дали е доволно мерење само заради мерење?

Пречекорувањето на горната граница на загадување во Ниш се случува „само“ 56 дена годишно, велат надлежните

Поради високите цени на греењето, во последните две години околу 2.500 станови се исклучија од градската топлана која работи на гас. Најголемиот број жители се греат на дрва- дури 50 проценти, додека околу 30 отсто се поврзани со Топланата. Само 1 отсто од Нишлиите се греат на гас, што е најеколошки начин, иако гасификацијата беше завршена уште во 2003 година. Една од причините е високата цена на приклучокот и опремата за што во старт се потребни околу 2.500 евра. Втората причина е неинформираноста на граѓаните дека греењето на гас е поефтино од греењето на палети, па дури и од греењето на дрва.

Влажното дрво за огрев- голем проблем

Инженерот по енергтика Горан Љубисављевиќ смета дека греењето на дрва е најголем загадувач во градот. Но, тоа не е единствениот проблем. „Треба да се нагласи дека влажните дрва се најголемиот проблем, што се однесува до загадувањето. Дрвата кои се користат за греење не смеат да имаат повеќе од 25 проценти влага и кога би се постигнало да се користат такви дрва, мислам дека загаденоста би се намалила за околу 30 проценти, бидејќи тие најмногу влијаат на појавата на смог“, Љубисављевиќ. Тој бара построги казни за оние кои продаваат неисправно и влажно дрво за огрев.

Граѓаните различно реагираат на проблемот со загадениот воздух. Додека едни не излегуваат од дома во текот на денот или купуваат хируршки маски, други воопшто не реагираат. Во Институтот за јавно здравје „Батут“, велат дека и Светската здравствена организација ги смета ПМ честичките за канцерогени, поврзувајќи ги пред се со ракот на дишните патишта. Долготрајната изложеност на тие честички, додаваат оттаму, може да доведе и до хронични респираторни заболувања, па дури и срцев или мозочен удар.
Но, Ниш не е единствениот град во Србија со загаден воздух. Тука се и Ваљево, Ужице, Белград, Краљево и Сремска Митровица. Според Агенцијата за заштита на животната средина, споредби со други држави не се можни затоа што не постои систем кој ги обединува анализаторите со слични перформанси.

Природа и животна средина | 04.01.2019
Смог над Балканот

Опасна зима

Видливоста изнесува само неколку метри. Сараево, главниот град на Босна и Херцеговина, веќе со денови е обвиткан со смог. За тоа не е виновен само густиот сообраќај. Многу жители се греат на јаглен и дрва- состојбата е особено критична во зима.

Смог над Балканот

Неповолна географска позиција

Сараево лежи во долина меѓу бројни ридови и тука воздухот далеку побавно се обновува. Според Светската здравствена организација загадувањето ја чини БиХ околу 3,9 милијарди долари годишно.

Смог над Балканот

Смрт поради загадување

Според податоците на македонските власти, годишно во земјата умираат околу 1.300 луѓе поради загадениот воздух. Особено е критична состојбата во Скопје.

Смог над Балканот

Предупредувањата на активистите

Македонските невладини организации со години наназад предупредуваат дека загадувањето на воздухот во Скопје во текот на 269 денови годишно е над нормалата. Слично како Сараево и Скопје се наоѓа во котлина, што го олеснува задржувањето на смогот.

Смог над Балканот

Старите термоелектрани- големи загадувачи

Според Европската банка за обнова и развој, термоелектраните како оваа во Обилиќ, во близина на косовскиот главен град Приштина, се меѓу најголемите загадувачи на воздухот во регионот.

Смог над Балканот

„Дишењето убива“

Во Приштина минатата година беа одржани демонстрации за чист воздух. На некои транспаренти пишуваше „Breathing kills“ – „„Дишењето убива“, со алузија на натписите на кутиите цигари. Во зимските месеци жителите на Приштина имаат големи проблеми со смогот.

Смог над Балканот

Драматични споредби

Поради високата загаденост на воздухот во Софија, ситуацијата во градот е „опасна како во Чернобил“, напиша поранешниот бугарски министер за надворешни работи Соломон Паси на Твитер. Тој му се обрати на премиерот со зборовите: „Итно ни се потребни мерки како заштитни маски во аптеките и училиштата“.

Теми

Следете нѐ