Скопје - Форум за бизнис и инвестиции

Во Скопје се одржува вториот Македонски форум за бизнис и инвестиции, што го отвори заменик-претседателот на Владата на Македонија Зоран Ставрески. Учествуваат претставници на реномирани домашни и странски компании, финансиски институции и потенцијални инвеститори, кои можат поконкретно да се запознаат со можностите и условите за инвестирање во државата.

Директните инвестиции во Македонија, според Државниот завод за статистика, лани изнесувале 350,7 милиони долари, за цели 234,5 милиони повеќе отколку во 2005-та.