Смртоносно инферно во Португалија

Најмалку 64 луѓе досега ги загубија животите во огромните пожари кои зафатија неколку региони во Португалија. Снимките направени со дрон ја покажуваат трагедијата на многумина кои не успеале да и избегаат на огнената стихија. Повеќе од 130 луѓе се повредени.

Противпожарните служби се уште водат битка со огромните пожари. Околу 70 проценти од огнот е под контрола, но остатокот и натаму предизвикува голема главоболка, особено поради високите летни температури кои денеска (20.06) достигнаа и до 43 степени целзиусови.
Владата прогласи вонредна состојба во шумскиот регион околу Педрогао Гранде, северо-источно од главниот град Лисабон.

Околу илјада пожарникари се ангажирани во гаснењето на огнената стихија, а илјадници луѓе мораа да ги напуштат своите домови.