Собранието расправа за престрелката во Ваксинце

Македонскиот парламент денеска го смени дневниот ред и на место расправата за изборниот закон побара информација за оружениот инцидент во Ваксинце. Во него, според анонимни дипломатски извори, животот го загуби командирот на полициската станица во Матејче, Фатмир Алили. Во нападот врз полициската патрола ранети се и двајца полицајци. Убиен е и еден од напаѓачите, Скендер Алили, додека се ранети уште двајца, меѓу кои и Џеладин Исени, брат на т.н. „командант Џејми Шеј„. Вториот од повредените избегал на Косово, каде бил уапсен од страна на КФОР.