Советник од Германија во кабинетот на Заев

Ќе се формира германско-македонски управувачки комитет кој ќе биде посветен на економски прашања, а посебен советник ќе биде ангажиран и во кабинетот на премиерот Заев.

Во пресрет на посетата на германската канцеларка Ангела Меркел на Македонија, стигнуваат најави за унапредување и зајакнување на економската соработка меѓу двете земји. Премиерот Зоран Заев најави германско-македонски управувачки комитет, кој ќе биде посветен на економски прашања.

„Новина е тоа што со канцеларката Ангела Меркел веќе потврдивме управувачки комитет за економија. Зошто? Знаете дека имаме најголема трговска поврзаност со Германија. Се очекува 2018. година да заврши со трговска размена од 4 милијарди евра. Во 2017. година таа беше 3,6 милијарди. Овој управувачки комитет меѓу Македонија и Германија ќе биде само за економијата, не за политиката“, најави премиерот.

Повеќе:

Меркел во историска посета на Скопје

Германските фирми во Македонија вработуваат над 20 илјади луѓе

Покрај ова, премиерот наскоро ќе има нов советник.

„И идниот советник кој ќе биде во мојот кабинет ќе биде предочен од економската заедница во Германија. Тој најмногу ќе биде посветен на дуалната едукација, односно подготовката на квалификувана работна сила“, најави премиерот.

Тој потенцира дека бизнис-заедницата смета дека тоа е добредојдено и дека оваа помош нема да се однесува само на кадарот во германските компании, туку ќе се однесува на севкупниот кадар и ќе биде сериозно олеснување и можност за домашното стопанство.

Heiko Maas mit mazedonischem Amtskollegen Nikola Dimitrov

Германија е најголем трговски партнер на Македонија, а од членството во ЕУ се очекуваат дополнителни поволности

Економијата во фокусот

Придобивките што би ги имала економијата од членство на Македонија во ЕУ и НАТО, добиваат централно место во кампањата за референдумот. Премиерот од граѓанска трибина во општината Карпош, порача дека светот со почести и огромна почит пружа поддршка за Македонија.

„Бев насекаде во светот во овој период. Треба да знаете дека имаме големи и силни пријатели и поддржувачи. Европа ни е искрен пријател и сака да ѝ помогне на Македонија да го дигне стандардот сѐ до ниво кое ќе биде еднакво на европските држави, на стандардот на граѓаните од ЕУ,“ рече премиерот.

Министерот за надворешни работи, Никола Димитров, пред вчерашната средба со граѓаните на Крива Паланка, присуствуваше на свечено потпишување Меморандум на соработка во насока на зајакнување на бизнис секторот и деловниот амбиент во градот, склучен меѓу Стопанската комора и општината.

„Ако сме одговорни како држава, треба да ја направиме Македонија европска и да има доволно работни места и во нашите градови, села. Ајде заедно на 30-ти септември да бидеме мудри и да го направиме македонскиот пасош доволно значаен и вреден, за да не ја бараме егзистенцијата во туѓите пасоши. Во тоа е суштината на историските прашања што ги затвораме: создавање на можности и подобри стандарди за граѓаните“, порача Димитров.

Фокусот на економијата го стави и министерот за внатрешни работи, Оливер Спасовски, на средба со граѓаните во Велешко.

Теми

„Придобивките се огромни од членството во НАТО и ЕУ. Загарантирана е безбедноста, загарантирани се границите, а огромни се и бенефитите за економијата. Сега Македонија добива по 260.000 евра дневно како помош од ЕУ, а таа ќе расте со нашиот напредок на тој пат“, посочи Спасовски.

Членството во НАТО и ЕУ носи повисоки приходи за граѓаните, повеќе инвестиции, работни места и поголем пазар за фирмите“, рече Спасовски.

Како пример ги посочи земјите од регионот.

„Просечната плата во Бугарија е зголемена двојно во однос на 2007. година. Невработеноста од 17,2% во 2007., денес е 5,3%. Во Романија просечна плата од 1025 леи во 2007. година порасна на 4527 леи во 2018. година. Невработеноста од 15,6% во 2007., денес е 4,3%, компарираше Спасовски.

Deutschland Gerüstbauer

Владата зборува за пораст на индустриското производство, опозицијата негира

Параметрите покажуваат раст

За перспективите на македонската економија говорат и податоците на кои укажа Стопанската Комора на Македонија: дека со членството на земјата во НАТО ќе се отвори можност за пласман на македонските производи и услуги за потребите на Алијансата, која добавува 32 милиони производи од 16 милиони добавувачи. Ваквиот податок беше искоментиран од премиерот Заев.

„Една од придобивките не е само тоа што НАТО ни ја гарантира безбедноста, мирот и стабилноста, кои се најважни предуслови за бизнисот. Има и една друга убава придобивка. Имаме право како членка да партиципираме во набавките што НАТО ги прави. Тоа се стотици милиони евра можности кои се отвораат за нашите компании“, посочи премиерот, најавувајќи дека таа можност ќе се отвори по завршувањето на скринингот и потпишувањето на протоколот од земјите членки за полноправно членство на Македонија во НАТО.

Повеќе:

Вилсон: НАТО е гаранција за иднината на Македонија

Заев изрази задоволство и од сегашните економски резултати, кои според владини проценки и анализи ќе бележат раст на БДП во вториот квартал помеѓу 2.5% и 4%.

„Индустриското производство во јули 2018. во споредба со јули 2017. пораснало за 8,4%. Од јануари до јули 2018. во споредба со истиот период 2017. е вкупно 5,5% раст на индустриското производство. Со контролата преку УЈП и инспекциите, меѓу 8 и 10% е зголемен приходот од даноците во државата во споредба со лани. Извозот е зголемен за 14,5%. Сите овие параметри во најава покажуваат раст“, рече премиерот.

Опозициската ВМРО-ДПМНЕ не ги признава ваквите податоци. Тврди дека по  речиси половина изминат мандат на Владата економијата тоне, а растат само задолжувањата.

 „Реализацијата на капиталните инвестиции оваа година е катастрофална и рекордно историски најлоша во последниве 30 години. Само 21,33 отсто од планираните капитални инвестиции се реализирани. Поразително.  Затоа нема 600 километри нови автопатишта, нема 100 илјади денари плата за лекарите, затоа нема нови училишта, нови болници, нови градинки, студентски домови, спортски сали, затоа нема пари за земјоделците. Затоа растот на економијата во Република Македонија е на ниво 0, убедливо најнизок не само во споредба со европските земји, туку и во споредба со земјите од регионот“, обвини ВМРО-ДПМНЕ.

Економија

Леб

Во просек, векна бел леб од 750 грама во Германија чини 0,85 евра (51 денар), а француски багет од 250 грама чини 0,60 центи (36 денари). Векна бел леб од 250 грама во Македонија чини 27 денари, а некаде достигнува и 39 денари.

Економија

Масло за јадење

Еден литар од најевтиното сончогледово масло за готвење во Германија чини околу 1 евро (60 денари). Во Македонија еден литар од најевтиното масло чини 65 денари.

Економија

Млеко

Еден литар кравјо трајно млеко со масленост од 3,2 проценти во Македонија може да се најде за најниски 38 денари, а просечната цена се движи околу 45 денари за литар. Во Германија, најевтиното млеко започнува од околу 0,55 центи (33 денари), а поскапото „Алпско“ млеко е околу 1 евро.

Економија

Кашкавал

Кашкавалот од типот Гауда и Едамер во Македонија чини од 350 до 370 денари за килограм. Во Германија, холандската Гауда ќе ве чини околу 5 евра за килограм (300 денари), а Ементалер околу 5,4 евра (330 денари).

Економија

Сол и шеќер

Сол во Германија чини околу 1,38 евра за килограм (85 денари), во Македонија 28 денари. Килограм шеќер во Германија чини околу 0,69 центи (42 денари), а во Македонија најевтиниот кој го најдовме во супермаркет беше 38 денари за килограм.

Економија

Ориз и брашно

Домашен ориз од втора класа во Македонија за 900 грама чини 46 денари. Во Германија, ориз од прва класа чини од 0,80 центи (48 денари) за килограм.Најевтиното брашно од Тип 400 во Македонија може да се најде за околу 24 денари за килограм. Истото во Германија чини од 0,30 центи (18 денари) за килограм.

Економија

Јајца

Мала табла со шест јајца во Македонија чини околу 50 денари, а во Германија околу 1 евро (60 денари).

Економија

Зеленчук

Доматите во Македонија чинат меѓу 80 и 120 денари за килограм, а во Германија - 2,50 евра (150 денари). Краставиците чинат 192 денари за килограм во Македонија, а во Германија 0,70 евра (42 денари) е едно парче кое вообичаено тежи меѓу 250 и 300 грама. Килограм пиперки во Германија ќе ве чини околу 2,50 евра (150 денари), а во Македонија 125 денари.

Економија

Овошје

Јаболката во Македонија се продаваат од 23 денари за килограм, па нагоре. Во Германија најевтините домашни јаболка не можете да ги најдете за помалку од 1 евро за килограм, а увозните достигнуваат и до 3 евра. Мандарини во Македонија чинат околу 45 денари за килограм, а во Германија 1,33 евра (80 денари) за килограм.

Економија

Пиво и алкохол

Просечната цена на пивото е нешто пониска во Македонија и тоа само за домашните марки. „Хајнекен“ од 0,33 литри во Македонија чини 55 денари. Во Германија нешто под 1 евро, доколку купите „сикспек“. Поеетиното виски од 0,75 литри како „Џони Вокер“, „Балантајн“ или „Џејмисон“ во Македонија чини околу 1.000 денари. Во Германија истото има просечна цена од 10 евра (600 денари).

Економија

Вино

Цените на виното во Македонија се релативно високи во споредба со она што се нуди на европските пазари. Најевтиното сортно македонско вино започнува од 170 денари за шише, а поквалитетното се нуди во просек за 500 денари. За споредба, македонско вино флаширано во Германија во овдешните супермаркети чини 1,6 евра (100 денари). Врвните сорти во Германија можат да се купат за просечни 6-7 евра.

Економија

Шампони за коса и гел за туширање

Разликите се големи и во цените на шампоните за коса меѓу двете земји иако се работи за истиот маркет. Шампон „Пантен Про-В“ од 200 милилитри во Македонија чини 208 денари, а во Германија 1,45 евра или околу 90 денари. Гел за туширање од 250 мл на „Балеа“ во Македонија во просек чини околу 120 денари, а во Германија поголемо количество од 300 мл чини 0,55 евра или малку над 30 денари.

Економија

Течен сапун и детергент

Течен сапун „Балеа“ во моментов се нуди на попуст во Македонија за 79 денари, а редовната цена му е 105 денари. Во Германија редовно се продава за 55 центи или за нешто повеќе од 30 денари, а на попуст и поевтино. Детергент „Персил“ за 20 перења во македонскиот ДМ чини 365 денари. Во германскиот ДМ истиот детергент по редовна цена се продава за 5,15 евра или околу 320 денари.