Советот за безбедност на ОН ќе расправа за состојбата во БиХ

Советот за безбедност на ОН утре ќе го разгледува извештајот на генералниот секретар Бан Ки Мун за состојбата во БиХ во кој се наведува дека државата не направила напредок во реформите и европските интеграции. Застојот во процесот на реформите според Бан Ки Мун е видлив и покрај јасно изрзената волја на жителите на земјата кои сакаат да видат напредок на патот кон ЕУ. Генералниот секретар на ОН истакнува и дека внатрешните судири во рамките на тричленото претседателство на БиХ довеле до влошување на политичката атмосфера.