Спорот со Русија

Русија соопшти готовност да преговара со НАТО во врска со најавата на претседателот Владимир Путин за напуштање на договорот за разоружување во Европа. Шефот на рускиот генералштаб Јури Балујевски соопшти дека во наредниот месец ќе го посети седиштето на НАТО во Брисел за да ги објасни ставовите на Путин. Рускиот претседател вчера ненадејно најави дека еднострано ќе го замрзне договорот за разоружување од 1990 година. Чекорот, меѓу другото, го оправда со американските планови за стационирање ракетен штит во Источна Европа.