Германски поговорки за среќа

Оваа поговорка била наводно употребувана уште во античко доба, од страна на Римјаните. Сликата на ковачот, кој оформува метал, се користи за да се каже дека секој човек е самиот одговорен за својата среќа и задоволство.

Оваа мудрост значи дека среќни може да бидат луѓето кои го оставаат она што поминало во минатото и кои гледаат нанапред. Цитатот потекнува од оперетата „Лилјакот“ на Јохан Штраус. Перфектен рецепт за да се биде среќен!

Оваа поговорка, која му се припишува на германско-францускиот теолог, хуманист, филозоф и лекар Алберт Швајцер (1875-1965), покажува колку човекот е социјално суштество.

Поговорката за споделена радост која носи дупла радост е слична на цитатот од Швајцер. „Радост“ е збор со повеќе значења. Тој може да биде синоним за среќа, но во германскиот јазик и за задоволство, кога на пример се вели: „Ми беше задоволство“ (на германски тогаш наместо задоволство, се употребува зборот радост)

Оној кој има среќа во животот се нарекува „среќна печурка“. Чудно, но сликата која со тоа се поврзува е отровната печурка Amanita muscaria, која има и халуциногени својства. Оваа печурка, која има убав надворешен изглед, позната и како печурка од сликовниците, во Германија важи за носител на среќа.

Кога среќниот исход бил тесен, кога некој одвај се извлекол од некоја ситуација, се вели дека имал повеќе среќа од разум. Во Германија за носители на среќа не се сметаат само печурките, туку и потковиците (со отворената страна нагоре, за среќата да не испадне!), бубамарите и детелинките со четири листа.

Кога е среќата доволна? Цитатот од германскиот писател Теодор Фонтане (1819-1898) значи дека кога човекот ќе се чувствува среќен, треба и да биде задоволен со тоа. Со други зборови: Биди благодарен за она што го имаш!

Среќата, како што вели поговорката, е кршлива како стакло. Оној кој ќе сфати дека среќата и радоста се минливи, тој опуштено може да чека на нивно враќање. Медитацијата е добар пат кон поголема опуштеност.

Она што некому му предизвикува радост, на друг може да му биде товар. Поговорката се употребува кога треба да се опишат ситуации од кои некој профитира, а друг трпи во истите тие услови.

Оваа поговорка се користи радо кога, на пример, паѓа чаша од рака и се распрскува во илјадници парченца. Зошто тоа би требало да носи среќа? Можеби затоа што, како што верувале луѓето во минатото, бучавата при кршењето ги плаши лошите духови.