Стартува деветолетката во Македонија

23.000 првооделенци во Македонија од денеска почнаат да учат според новиот концепт на деветолетка. Образовниот процес ќе се одвива во три наставни целини од по три години, а со него се опфатени сите деца со наполнети пет години и осум месеци. Со тоа се надоместува дефицитот во претшколското образование, со кое до сега беа опфатени само 11% од децата од таа возраст. Денеска започна и владината кампања „компјутер за секое дете“. До крајот на ноември треба да бидат инсталирани околу сто илјади компјутери во сите средни и постепено во основните училишта. Следната година во македонскиот образовен систем треба да бидат воведена и верска настава и задолжително средно образование.