Студената војна заврши
5 јуни 2007
Русија треба да ги испрати своите генерали и научници , за да соработуваат со Американците – изјави Буш по разговорите во Прага со чешкиот претседател Вацлав Клаус и премиерот Мирек Тополанек.
“ Студената војна заврши ” истакна Буш . Русија нема причина , да стравува од планираниот ракетен одбранбен систем. Тој е насочен кон екстремистите и одметничките земји , како Иран и С. Кореја со цел слободниот свет да не биде уценуван.
И Чесите не мораат да одлучуваат дали ќе бидат пријатели на САД или Русија. Прага може да биде пријател со двете земји – изјави американскиот претседател. Тој притоа ја истакна важноста на Чешка како сојузник на САД.
“Мислам дека е важно за луѓето во Чешка да сватат дека мојата прва посета е тука. Причината заради тоа е што и луѓето во САД и се воодушевуваат на големата сила и карактерот кој го покажува народот во Чешка. Тоа е голема желба за слобода. Луѓето во оваа земја преземаат сериозен ризик за да можат да живеат во слободно општество“ рече Буш и додаде:
“ Ние многу ја цениме нашата поврзаност, билатералните контакти и односите во трансатлантската комуникација. Многу ви благодарам за фактот што сте наши силни сојузници во борбата против екстремистите и радикалите кои го порекнуваат правото на другите да живеат во слободно општество“
Чешкиот претседател Клаус на заедничката пресконференција со Буш во замокот Храдчани пак изјави дека Чешка и САД се целосно единствени околу ракетниот одбранбен систем . Двете страни веруваат меѓутоа дека е важно Русија и претседателот Владимир Путин да ги подржат плановите. Потребна е колку што е можно поголема подршка за системот- истакна Клаус .
За разлика од властите во Прага , луѓето во Чешка не се наклонети кон американските планови . Речиси 70 насто им се спротиставуваат а уште од вчеравечер кога Буш пристигнуваше во Прага се одржуваа протести.
Прага е прва станица на европската турнеја на американскиот претседател кој вечерва треба да пристигне во Хајлигендам на Самитот на Г8.