Тачи:не може да се постигне компромис со Србија

Членот на косовскиот преговарачки тим Хашим Тачи оцени дека во преговорите со Србија не може да дојде до никаков компромис за статусот на Косово и додаде дека Приштина останува на ставот дека е за независна и суверена држава. “Ние направивме голем број компромиси, особено во прашањата поврзани за малцинствата”, рече Тачи. Тој додаде дека “сегашниот статус веќе не може да се задржи“ и дека “Косово е подготвено за независност”. Преговорите меѓу Белград и Приштина со меѓународната посредничка Тројка продолжуваат на 28 септември во Њујорк.