Десет најомилени дестинации во Германија

10. Долината на реката Мозел

Долината на реката Мозел за првпат се најде на оваа листа. На својот тек од Трир до Кобленц, Мозел дели планински масиви: од едната страна е Ајфел, а од другата Хунсрик. Карактеристични се длабоките долини, лозјата на бреговите и бројни замоци и тврдини. На сликата: Мозел во близината на Ирциг.

Десет најомилени дестинации во Германија

9.Зоолошката градина Хелабрун во близината на Минхен

Во зоолошката градина Хелабрун од 1928 година живеат над 750 видови животни. Тоа е првата Гео-зоолошка градина во светот. Животните се распоредени во заедници онака како што живеат во природата на континетите.

Десет најомилени дестинации во Германија

8. Фантазијаланд во Брил

Фантазијаланд во близината на Келн годинава слави 50 години постоење. Има богата понуда на атракции за деца од сите возрасти но и за возрасни.

Десет најомилени дестинации во Германија

7. Стариот град во Хајделберг

Хајделберг веќе со години е на оваа листа омилени дестинации. Градот на бреговите на реката Некар важи за типичен пример на германска романтика. Познатиот стар замок доаѓаат да го видат луѓе од целиот свет, и тоа над еден милион годишно.

Десет најомилени дестинации во Германија

6. Стариот град во Дрезден

Историскиот центар на Дрезден со своите музеи и со Богородичната црква го сочинуваат срцето на познатиот барокен град. Поради својот маркантен изглед, главниот град на Саксонија се нарекува уште и Фиренца на Елба.

Десет најомилени дестинации во Германија

5. Ротенбург об дер Таубер

Ретко кој град во Германија има толку добро сочувани средновековни градби како ова гратче во Баварија, во близината на Ансбах. На сликата е улицата на ковачите.

Десет најомилени дестинации во Германија

4. Боденско езеро

Парковите на островот Маинау, црквите се дел од Светското културно наследство на островот Рајхенау... а покрај тоа уште и волшебното гратче во медитерански стил. Се’ тоа Боденското езеро го прави се’ попривлечно за туристите. На сликата: Маинау или „остров на цвеќето“

Десет најомилени дестинации во Германија

3. Дворецот Нојшванштајн

Замокот од бајките во Баварија е направен според идејата на кралот Лудвиг Втори. Изградбата започнала во 1869 година и траела речиси 20 години. Кралот само неколку месеци живеел во тој витешки дворец од неговите соништа, умрел пред да биде целосно завршен.

Десет најомилени дестинации во Германија

2. Европа-Парк Руст

13 ролеркостери, кино со четридимензионална технлогија (4D) и над 100 други атракции го прават Европа-Парк Руст најголем забавен парк од тој вид во Германија. Годишно го посетуваат над 5 милиони луѓе.

Десет најомилени дестинации во Германија

1.Вундерланд во Хамбург- минијатурен свет

Вундерланд во Хамбург е најголема атракција од тој вид во светот. Тоа е вистинско ремек дело на железничко моделирање каде до најситни детали се направени минијатури на цели земји, градови и пејзажи. Светот во размер 1:87!

Гледај видео 02:28
Now live
02:28 минути
Политика | 23.02.2018

Што Германците навистина мислат за својата канцеларка?

Култните автомобили на Германија

Фолксваген „Бубачка“ (1938)

Нема сопирање за овој стар и верен модел. Со произведени повеќе од 21 милиони примероци, Бубачката на Фолксваген е еден од најпознатите автомобили во светот. Од 1938 до 2003 година, дизајнот на овој автомобил никогаш не отстапуваше од оригиналот.

Култните автомобили на Германија

Фолксваген Т1 (1950)

Разнобојното комбе за кампување, познато како „Були“, во Германија стана симбол на хипи движењето. Во Фолксваген на почеток не беа многу задоволни, но тоа не влијаеше на продажбите. Од претставувањето на моделот Т1 беа продадени повеќе од 10 милиони единици. Овој модел имаше и филмска кариера, иако во споредни улоги.

Култните автомобили на Германија

Месершмит Кебин Скутер (1953)

То што Кебин Скутер е опремен со три тркала и аеродинамично не треба да биде изненадување затоа што Месершмит првично произведуваше авиони. По војната, беше забрането производството на авиони па затоа, компанијата се согласи со инжењерот Фриц Фенд да работат на неговиот модел „Флицер“. Партнерството траеше кратко – во 1956 година Месершмит повторно се врати на производството на авиони.

Култните автомобили на Германија

Мерцедес 300 СЛ (1954)

Прекарот на овој автомобил е „Гулвинг“ (Крилја на галеб), благодарејќи на вратите кои наликуваат на крилја. Тркачкиот автомобил 300 СЛ Сребрена стрела му обезбеди на Мерцедес-Бенц повторно враќаање на спортската сцена. По победата на трката „24 часа на Ле Ман“ и „Карера Панамерикана“ овој модел почна да се произведува и во верзија за секојдневна употреба.

Култните автомобили на Германија

БМВ Изета (1955)

Иако не беше брз, БМВ Изета се покажа како голем финансиски успех за БМВ во периодот помеѓу 1955 и 1962 година. Евтин и практичен, овој микроавтомобил со мотор од мотоцикл беше познат како „автомобил меур“. Вратата се отвараше однапред како кај фрижидер.

Култните автомобили на Германија

Гогомобил (1955)

Уште еден микроавтомобил со култен статус е Ханс Глас „Гого“, именуван според внукот на сопственикот на компанијата. За разлика од другите мини возила кои се појавија пред него, во Гого можеа да се превезуваат до четири лица - иако должината на автомобилот од 1,6 метри го прави таквото возење неудобно. За возење на овој автомобил потребна е дозвола за возење на мотоцикл.

Култните автомобили на Германија

Порше 911 (1963)

Овој модел на Порше се произведува повеќе од половина век што го прави еден од најдолго произведуваните модели во автомобилската историја. Сите негови реинкарнации ги задржаа неговите најважни карактеристики.

Култните автомобили на Германија

Мерцедес Бенц 600 (1964)

Телефон, клима и фрижидер - се дел од опремата на луксузниот германски седан од 60-те и 70-те години. Сопственици на овој модел беа голем број познати личности – од Папата во Ватикан до Џон Ленон. За германската влада, автомобилот претставуваше голема инвестиција, но за потребите при државната посета на кралицата Елизабета Втора во 1965, германската влада изнајми еден ваков автомобил.

Култните автомобили на Германија

Трабант 601 (1964)

Трабант во Источна Германија беше исто што и Бубачката на Фолксваген – возило за народот. Беше ефтин за произведување, а надворешните делови беа направени од тврда пластика. Овој автомобил се најде во фокусот по падот на берлинскиот ѕид, кога граѓаните на ДДР масовно ја преминуваа, тогаш отворената, граница помеѓу истокот и западот во нивните Трабанти.

Култните автомобили на Германија

Опел Кадет (1965)

Според песната на германскиот панк бенд ВИЗО, „без разлика дали е лимузина, караван или купе – најдобриот автомобил е Кадет Б“. Се чини дека со тоа се сложија 2.7 милиони купувачи – што го прави овој модел еден од најуспешните за Опел. На почетокот на 70-те, Опел го користеше слоганот „Das Auto“ за моделот Кадет Б – долго пред истиот да го рециклираат ривалите од Фолксваген.

Култните автомобили на Германија

Вартбург 353 (1966)

Вартбург го доби името според замокот во градот каде што овој автомобил се произведува, Ајзенах. Производството главно беше наменето за странските пазари и овој евтин автомобил имаше успех на пазарите во Унгарија и Велика Британија. Во Западна Германија, сепак, побарувачката за овој автомобил беше ниска затоа што поседувањето на Вартбург значеше и политички став.

Култните автомобили на Германија

НСУ Ро 80 (1967)

Кога НСУ го претстави моделот Ро 80, конкурентите со внимателност ја следеа ситуацијата. Автомобилот беше опремен со двоен ванкел мотор, именуван по неговиот иноватор Феликс Ванкел, а во 1967 беше прогласен за автомобил на годината. За жал, технологијата сѐ уште не беше усовршена и затоа НСУ почна со замена на моторите како мерка на претпазливост.

Култните автомобили на Германија

Мерцедес-Бенц 8 „Осум тактен“ (1968)

Конзервативниот В 114/115 седан не беше најбрзиот модел на Мерцедес – неговата максимална брзина изнесува 130 километри на час. Но, овие модели се издржливи – неретко на мерачите во овие автомобили може да се види дека истите поминале по неколку милиони километри. Од овој модел беа продадени 1,9 милиони примероци.

Култните автомобили на Германија

Опел ГТ (1968)

„Само летањето е подобро“ беше слоганот со кој Опел го рекламираше овој модел. Истакнатите облини, кои наводно потсетуваат на шише од Кока-кола и предни светла кои излегуваат од браникот на автомобилот се дел од уникатниот изглед на овој модел на Опел. Достапната цена привлече многу потрошувачи во САД.

Култните автомобили на Германија

Фолксваген Тип 181 (1969)

Овој модел првично беше произведуван за германската армија, а потоа Фолксваген го рекламираше како повеќенаменски автомобил за млади луѓе. Иако не беше комфорен, Тип 181 се претвораше во кабриолет.

Култните автомобили на Германија

Опел Манта (1970)

Овој модел на Опел, кој првично беше замислен како спортски модел од средната класа на автомобили, брзо стана статусен симбол за младите мажи. Потоа следеа и шегите за сопствениците на Манта - и нивниот скромен коефициент на интелегенција. Во 1991 година, продуцентот Бернг Ајхингер оддаде почит кон овој автомобил во филмот „Манта Манта“.

Култните автомобили на Германија

Фолксваген Голф (1947)

Во 1974 година Фолксваген го претстави првиот модел на Голф како наследник на Бубачката. Овој модел се покажа како компактен, спортски и ефикасен автомобил – што по нафтената криза од 70-те години претставуваше голема предност.

Култните автомобили на Германија

Ауди Кватро (1980)

Името на моделот „Кватро“ упатува на погонот на четири тркала на овој автомобил. Уникатното купе крена доста прашина по неговото претставување. Четири години подоцна, Ауди ја претстави и верзијата со високи перформански Кватро Спорт (прикажан на фотографијата). Од оваа верзија на моделот беа произведени само 220 примероци, поради што овој автомобил е вреден колекционерски предмет.

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو