Трамп им се закани на членките на Генералното собрание на ОН

Американскиот престедател Доналд Трамп пред денешното гласање за Ерусалим во Генералното собрание на ОН упати остро предупредување до земјите членки да не гласаат против САД, затоа што ќе се соочат со финансиски санкции.

Пред почетокот на итната седница на Генералното собрание на ОН, на која треба да се гласа за предлог-резолуцијата за Ерусалим, земјите членки беа остро предупредени од страна на американскиот претседател Доналд Трамп да внимаваат како ќе гласаат. На земјите кои ќе гласаат против САД, ќе им биде скратена финансиската помош, се закани Трамп во Белата куќа.

„Земаат стотци мичлиони долари, па дури и милијарди долари, а потоа гласаат против нас“, рече Трамп, додавајќи дека американската влада ќе го прими на знаење ваквото гласање. „нека гласаат против нас“ Ќе заштедиме еден куп пари“, изјави Трамп.

Повеќе на темата:

ОН треба да го притиснат Трамп за Ерусалим

Ќе се бара поништување на американската одлука за Ерусалим

По ваквите закани на американскиот претседател, стигна реакција од палестинскиот министер за надворешни работи Ријад ал-Малки. Тој го осуди „заканите“ на САД, а особено писмото што американската амбасадорка во ОН го упатила на повеќемина министри за надворешни работи. Ники Хејли со писмото се обиде да им се „закани и заплаши“ другите земји, рече палестинскиот министер на прес-конференција во Истанбул. Во писмото Хејли пишува дека Трамп од нејзе побарал да му ги пријави сите земји „кои гласале против нас“. „Ќе го забележиме секој глас“, се заканува Хејли во писмото.

Во Генералното собрание на ОН нема право на вето, а резолуциите не се правно обврзувачки

Турскиот министер за надворешни работи Мевлут Чавушоглу на прес-конференцијата со Ал Малки во Истанбл оцени дека САД се одлучиле „да одат по патот на закани“, но дека тоа нема да функционира, затоа што „светот се промени“, а променета е и логиката „јас сум посилен, јас сум во право“. „Денес светот се спротивставува на ваквата неправедност“, оцени Чавушоглу.

САД во понделникот ставија вето на предлог-резолуцијата во Советот за безбедност на ОН и спречија осуда на одлуката на Трамп за Ерусалим. Сите останати 14 членки на СБ на ОН гласаа за предлог-текстот. По ваквиот исход, на инсистирање на муслиманските држави беше свикана итна седница на Генералното собрание на ОН. Таму се застапени 193 држави. Нивните резолуции, меѓутоа, не се правно обврзувачки и не постои право на вето.

Град на судири: комплексната историја на Ерусалим

Ерусалим, градот на Давид

Според Стариот завет, Давид, кралот на двете кралства на Јудеја и Израел, го освоил Ерусалим околу 1.000 година пред новата ера. Седиштето на владата го префрлил во Ерусалим, со што го претворил во главен град и верски центар на кралството. Библијата вели дека синот на Давид, Соломон го изградил првиот храм во чест на Јахве, богот на Израел. Ерусалим станува центар на јудаизмот.

Град на судири: комплексната историја на Ерусалим

Под персиска управа

Нео-вавилонскиот крал Небукаданезар II (трет од лево) го освоил Ерусалим во 597 п.н.е., според Библијата. Ги заробил кралот Јехоаким (петти од десно) и припадниците на високата класа, ги испратил во Вавилон и го уништил храмот. Откако персискиот крал Сирус Велики го освоил Вавилон, им дозволил на прогонетите Евреи да се вратат во Ерусалим и повторно да го изградат својот храм.

Град на судири: комплексната историја на Ерусалим

Под римска и византијска управа

Од 63 година п.н.е. Ерусалим паѓа под окупација на Рим. Се формираат повеќе движења на отпорот, па во 66 година избувнува првата Еврејско-Римска војна. По четири години војната завршува, а храмот е повторно уништен. Римјаните и Византијците владеат со Ерусалим околу 600 години.

Град на судири: комплексната историја на Ерусалим

Освојувањето на Арапите

При освојувањето на Сирија, муслиманските армии стигнуваат и до Палестина. По наредба на Калифот Умар (на фотографијата), Ерусалим е освоен во 637 година. Во следните години повеќе различни, меѓусебно спротивставени муслимански владетели го контролираат градот. Ерусалим е често под опсада, а владетелите се менуваат.

Град на судири: комплексната историја на Ерусалим

Крстоносците

Од 1070 година, муслиманските владетели стануваат сѐ поголема закана за христијанскиот свет. Папата Урбан II повикува на крстоносна војна. Севкупно, пет крстоносни походи се организираат во период од 200 години. Во 1244, крстоносците конечно ја губат контролата врз градот и тој паѓа под муслиманска управа.

Град на судири: комплексната историја на Ерусалим

Отоманите и Британците

По освојувањето на Египет и Арабија од Отоманите, Ерусалим станува административно седиште на Отоманскиот административен регион во 1535 година. Во првите децении на отоманското владеење, градот доживува процут. Со победата на Британците над Отоманските трупи во 1917 година, Палестина потпаѓа под британска управа. Ерусалим е преземен од Британците без борба.

Град на судири: комплексната историја на Ерусалим

Поделениот град

По Втората светска војна, Британците се откажуваат од палестинскиот мандат. ОН гласаат за поделба на земјата, со цел да се отвори простор за преживеаните од Холокаустот. Неколку арапски држави започнуваат војна против Израел и освојуваат дел од Ерусалим. Сѐ до 1967 година, градот е поделен на израелски западен и јордански источен дел.

Град на судири: комплексната историја на Ерусалим

Израел го освојува источен Ерусалим

Во 1967, Израел ја започнува Шестдневната војна против Египет, Јордан и Сирија. Израел ги освојува Синај, Појасот Газа, Западниот Брег, Голанската висорамнина и источен Ерусалим. Израелски падобранци доаѓаат до Стариот град и стојат пред Ѕидот на плачот за првпат од 1949 година. Источен Ерусалим не е официјално анектиран, туку административно интегриран.

Град на судири: комплексната историја на Ерусалим

Муслимански аџилак во Ерусалим

Израел не им забранува на муслиманите пристап до светите места. Ридот на храмовите е под автономна муслиманска администрација: муслиманите можат да влегуваат, да го посетуваат храмот и блиската Ал-Акша џамија.

Град на судири: комплексната историја на Ерусалим

Нерешен статус

Ерусалим до денес останува пречка за мирот меѓу Израел и Палестина. Во 1980, Израел го прогласува целиот град за свој „вечен и нераздвојлив главен град“. Откако Јордан се откажува од своето право на Западниот Брег и Источен Ерусалим во 1988 година, прогласена е државата Палестина. И Палестина го смета Ерусалим, во теорија, за свој главен град.

Следете нѐ