Трамп против договорот за трговија ТПП

Новоизбраниот американски претседател Доналд Трамп ја скицираше својата програма за првите сто дена и најави дека веднаш ќе го откаже трансатлантскиот договор за слободна трговија ТПП.

Доналд Трамп во видео-порака обелодени каде ќе го стави политичкиот фокус во првите сто дена од извршувањето на функцијата, „Мојата програма ќе се заснова на еден едноставен принцип: Америка да дојде на прво место.“

За првиот ден од својот мандат Трамп најави откажување од трансатлантскиот договор за трговија ТПП. Наместо ваков договор, тој бара „фер“ билатерални договори кои ќе ги вратат работните места и индустријата назад во САД. Републиканецот во текот на кампањата оцени дека ТПП-договорот меѓу САД, Австралија, Јапонија, Мексико и осум други држави е „кататрофа“. САД го потпишаа овој договор, но тој сѐ уште не ратификуван од страна на Сенатот. Најавата на Трамп предизвика загриженост од повторно создавање трговски бариери. Јапонскиот премиер Шинзо Абе изјави дека ТПП без САД е безначаен. Кина, која не е дел од ТПП, би можела да го искористи тоа.

Покрај тоа, Трамп во видео-пораката најави и дека ќе ги укине ограничувањата за енергетската бранша. Притоа, тој ги спомна фрекингот и „чистиот јаглен“. На тој начин, според него, ќе се создадат „милиони добро платени работни места“.

Трамп повтори дека сите оние кои во иднина ќе работат за американската влада во период од пет години потоа нема да смеат да работат како лобисти, а во остатокот од животот воопшто нема да можат да работат како лобисти за странска влада. „Тоа се само некои чекори за реформи во Вашингтон и за повторно зајакнување на нашиот среден слој“, рече Трамп.

Во сферата  на националната безбедност Трамп соопшти дека ќе им даде налог на тајните служби да ја зајакнат одбраната од сајбер-напади и „секаков друг вид напади“. Притоа не наведе детали. Што се однесува до прашањето на доселување, тој рече дека од Министерството за труд ќе бара да ги испита сите злоупотреби на визи кои им наштетиле на американските работници.

Доналд Трамп, кој ја презема должноста на 20 јануари, најави нови видео-пораки во наредните денови.

Карикатури за Трамп: Кога смеата е единствена утеха

Сексуален напад

Карикатурата на хамбуршкиот уметник Ленарт Гебел го обиколи светот за кратко време. Една агенција од Лос Анџелес поажа интерес за печатење на неговото дело на маици. Уметникот е среќен поради успехот и е сигурен дека и во иднина Трамп „ќе си дозволи“ одредени работи кои ќе послужат како мотив за него и останатите колеги од целиот свет.

Карикатури за Трамп: Кога смеата е единствена утеха

Фризура број еден

Косата на следниот претседател на САД беше инспирација за многу шеги. Пред неколку месеци во јавноста излезе видео на кое е прикажана „фармата на Трамп“ за перики. Всушност, стануваше збор за поле со сено во Норвешка. Косата на Трамп исто така добро стои и на кокпитот на претседателскиот авион.

Карикатури за Трамп: Кога смеата е единствена утеха

Африканска перспектива

„Имајќи ја предвид омразата на Доналд Трамп кон црнците ќе ја напуштиме земјата. Тој може да прави што сака со неа“ вели оваа карикатура од Абдулкарим Баба Амину, познат културен критичар, новинар и илустратор од Нигерија.

Карикатури за Трамп: Кога смеата е единствена утеха

Дамата Слобода чука на вратата на Канада

Во паника и со загрижен поглед во очите, „Дамата Слобода“ чука на вратата на соседот - Канада. Карикатуристот Угрек ја црташе симбиличната фигура во многу различни анти Трамп карикатури.

Cartoon on Donald Trump and the Muslims (Gado)

Карикатури за Трамп: Кога смеата е единствена утеха

Без религиски бариери

Карикатуристот Гадо е еден од најпознатите илустратори во Африка. Тој во својата карикатура се осврнува на едно од ветувањата на Трамп во предизборната кампања кое гласеше: „Ветувам дека ќе го зачувам христијанството“. На карикатурата е прикажано како тој распнува муслиман на крст.

Карикатури за Трамп: Кога смеата е единствена утеха

Секој може да биде претседател

Белгискиот артист Лектр креираше многу различни карикатури за Трамп. Оваа покажува дека за 8 години, идејата дека „Секој може да биде претседател“ се смени од оптимистичка мисла во причина за очај кај многумина.

Карикатури за Трамп: Кога смеата е единствена утеха

Агресивни графити

Погрдно претставување на Трамп веќе може да се забележи во Барселона. Шпанија, исто така, беше шокирана од неочекувааниот успех на републиканскиот кандидат „Невидената популарност и избирањето на њујоршкиот магнат ја остави половина планета без зборови“, напиша колумнист за шпанскиот весник Еј Пај.

Карикатури за Трамп: Кога смеата е единствена утеха

Куп од измет

Куп од измет околу кој кружат муви. На овој начин уличниот уметник Хенски го доживеа претседателскиот кандидат Донaлд Трамп уште пред да биде номиниран од републиканците. „Портретот“ од август 2015 година беше исцртан на ѕид од еден познат трговски центар во Њујорк.

Следете нѐ