Трамп ја предупреди Турција од „уништување“

Јасно предупредување од американскиот претседател Трамп во насока на Анкара: во случај на напад врз курдските трупи во северна Сирија, Турција мора да смета со тешки економски последици.

Турција ќе биде „економски уништена“ доколку ги нападне Курдите во Сирија, напиша на Твитер американскиот претседател Доналд Трамп. „Истовремено, не сакам ниту Курдите да ја провоцираат Турција“, додава тој. Освен тоа, Трамп на Твитер пишува и за создавање безбедносна зона од 20 милји (околу 32 километри), но притоа не соопштува детали за плановите.

Американскиот претседател во декември изненадувачки најави целосно полвекување на американските сили од Сирија. Тоа ја ослабнува позицијата на курдските милиции кои досега со американска поддршка се бореа против џихадистичката милиција „Исламска држава“ (ИД).

Повеќе: Трамп го одолговлекува повлекувањето од Сирија?

Ердоган сака да ја „неутрализира“ ИПГ

Курдските Единици за народна одбрана (ИПГ) во северна Сирија стравуваат од напад на Турција. Владата во Анкара ги смета борците на ИПГ за терористи и за продолжена рака на забранетата Курдска работничка партија ПКК. Турскиот претседател Реџеп Таип Ердоган изјави дека сака многу бргу да преземе мерки „за да се неутрализираат овие терористички организации на сириска почва“.

Поради заканите на Ердоган кон ИПГ советникот на Трамп за безбедносни прашања Џон Болтон неодамна рече дека повлекувањето на американските трупи зависи од гаранциите на Турција за безбедноста на курдските милиции. Меѓутоа, ваквите оценки на Болтон наидоа на категорично отфрлање од турска страна.

Повеќе: Болтон во Анкара: Што ќе случи со Курдите?

Во текот на изминатиот викенд турската армија ги засили своите трупи на границата кон северносириската провинција Идлиб. Меѓутоа, од безбедносни кругови не се наведува дали тоа значи подготовка на акција од другата страна на границата.

Алепо: Уништувањето на раскошниот град

Џамијата Омејади пред војната

Ова е фотографија од 2010 година. Бунтовите во арапскиот свет тогаш не беа стигнати до Сирија и Алепо. Џамијата е изградена во 775 година и е дел од Светското културно наследство на УНЕСКО.

Алепо: Уништувањето на раскошниот град

Џамијата Омејади денес

Џамијата беше тешко оштетена во борбите во 2013 година. На 24 март 2013. се урна минарето изградено во 11. век. Денес џамијата наликува на напуштена руина.

Алепо: Уништувањето на раскошниот град

Амамот Ел Нахасин пред војната

Во амамот во старото градско јадро на Алепо посетителите уживаат во мирот по направената бања. Фотографијата е направена есента 2010 година.

Алепо: Уништувањето на раскошниот град

Амамот Ел Нахасин сега

Шест години потоа амамот не зрачи со мир и спокојство. „Раните“ од војната му се видливи.

Алепо: Уништувањето на раскошниот град

Цитаделата на Алепо пред војната

Цитаделата на Алепо е една од најстарите и најголемите тврдини на светот. Голем дел од објектот е изграден во 13. век.

Алепо: Уништувањето на раскошниот град

Цитаделата денес

Некогашната туристичка атракција е во голем дел уништена и денес како сениште се издига над градот.

Алепо: Уништувањето на раскошниот град

Старото градско јадро некогаш

24. ноември 2008 година: Старото градско јадро на Алепо. Луѓе седат во кафулињата, сместени како во рамка од шарени светла.

Алепо: Уништувањето на раскошниот град

Старото градско јадро денес

13 декември 2016: Старото градско јадро е престорено во прав и пепел.

Алепо: Уништувањето на раскошниот град

Трговскиот центар Шахба пред војната

Божиќни подароци висат закачени на таванот на трговскиот центар Шахба во декември 2009 година. Петкатниот трговски центар беше отворен во 2008 година и се вбројуваше во најголемите во Сирија.

Алепо: Уништувањето на раскошниот град

Трговскиот центар Шахба денес

„Трајно затворен“ - оваа информација се појавува на Гугл кога се пребарува поимот „Shahba-Mall“ денес.Трговскиот центар беше тешко оштетен во воздушните напади во 2014 година.

Алепо: Уништувањето на раскошниот град

Пазарот Ал Зараб пред војната

Влезот во пазарот Ал Зараб во 2008 година, облеан во топла светлина.

Алепо: Уништувањето на раскошниот град

Пазарот Ал Зараб денес

Декември 2016: Влезот во пазарот е уништен речиси целосно.

Следете нѐ