Трговските конфликти ќе доминираат на самитот на Г20

Американскиот претседател Доналд Трамп не се интересира за меѓународна соработка. Останатите земји од Г20 поинаку гледаат на нештата. На самитот во Аргентина може да пукне тиквата.

Сега веќе 13-тиот самит на Г20 кој овој пат ќе се одржи во аргентинскиот главен град Буенос Аирес, е првиот во Латинска Америка. Претседателот на земјата домаќин, Маурицио Макри, кој се соочува со финансиска криза во својата земја, сака на 20-те најважни економии на светот да им ги приближи проблемите на земјите од неговиот континент. „Мора да им објасниме дека имаме свет во кој дупката на неправди станува се поголема наместо помала и тоа насекаде". Макри најави: „Правиме Г20 од која треба да има корист секој човек". Педро Вилагра Делгадо, главниот преговарач на Аргентина, заедно со 19 колеги со месеци го подготвува самитот. „Тоа би требало да се подразбира, но не е така. Мора да има закучоци од самитот кои ќе го подобрат ќивотот на сите луѓе." Г20 овој пат нема да зборува за иднината на работата во дигиталното опкружување, туку за образование, одржлив развој и сигурноста на прехранбените производи.

На Делгадо, кој е искусен дипломат, му е јасно дека друга тема и пред се друг претседател, односно Доналд Трамп, ќе го привлече вниманието на сцената. Со неговата трговска политика Трамп влезе во конфликт со трговкси партнери како Кина и ЕУ. Казнени царини и трговски конфликти придонесуваат да се намали трговија во светот, предупредува првата жена на Меѓународниот монетарен фонд Кристин Легард во пресрет на самитот. „Секако дека покажува кои се последиците врз трговската моќ. Во најлош случај според нашите проценки ќе падне за 0,5 проценти на светско ниво."

Трамп сака „договор" со Кина

Канцеларката Ангела Меркел и многу други планираат во Буенос Аирес да се заложат за фер и слободна трговија во светот. Во моментов се чини дека самитот ќе се одвива според мотото: „Сите против еден, сите против Трамп." Трамп пак, ќе биде само на еден од двата дена присутен и тешо дека ќе попушти на таквите барања. За него САД мора да биде на прво место како што повторно изјави минатата недела. Меѓународните институции и Г20 тука му се пречка. Трамп сака да ја искористи средбата во Буенос Аирес за да разговара со кинескиот претседател бидејќи сака да постгне билатерален договор, но истовремено се заканува: „Добро ќе ни оди со Кина, тие сакаат да склучат договор по секоја цена. Можеби не ви гон кажуваат тоа, но сакаат. Имам уште 250 милијарди казнени царини кои може да ги воведам ако не постигнеме договор. Веривајте ми дека ќе ги воведам бидејќи Кина со години ја ограбувала нашата земја. Тоа со мене на чело веќе нема да се случува", изјави Трамп во Вашингтон.

Самит покрај самитот

Дали и претседателот на Европската комисија Жан Клод Јункер ќе има прилика да разговара со Доналд Трамп за казнените царини за возила и челик, не е јасно. Летоска отпочнатите трансатлантски преговори се во статус кво. Јункре го одбива пристапот на САД според кои секој си бил најблизок сам на себе.„Не ми се допаѓа унилатералност, кој нема обѕири за потребите на другите. Секогаш ќе останам мултилатералист од убедување", изјави Јункер во говорот во септември годинава по повод состојбите во Унијата.

На маргините на самитот планирана беше средба на Трамп и Путин, и иако Кремљ соопшти дека ќе се одржи, американскиот претседател ја откажа во прв ред поради најновиот конфликт меѓу Русија и Украина во Азовското море. Инаку Русија и САД не спорат толку многу околу трговски прашања, колку околу договорот за забрана на атомски ракети од среден дострел кои Трамп сака да ги укине. САД и префрлаат на Русија дека го минираат договорот, а Кремљ ги отфрла обвинувањата.

Африка, образование, шанси

Покрај „шоуто на Трамп", како што дипломати на ЕУ го означуваат очекуваниот спектакл, во Буенос Аирес ќе има и многу разговори за подобро образование на млади лица работници. Минатата година Германија како претседавач на Г20 посебен акцент стави на Африка. „Пактот за Африка", кој што беше склучен во Хамбург, бил сосема успешен, смета јужноафриканскиот претседател Сирил Рамафоза. Тој неодамна беше во посета на Германија и учествуваше во подготвителна конференција за самитот на Г20. Рамафоза се обрати на германската делегација: „Начинот на кој функционира вашиот систем каде работници, компании и државата соработуваат, е за мене нов прозорец кон иднината. Може да кажеме дека тоа ќе го научиме и ние, но предизвик е недостигот на квалификувана работна сила кој во нашата земја е огромен. Германија може многу да не научи во тој поглед."

Обуката на стручни кадри можела да биде пример не само за Африка, туку и за други делови од светот, смета Педро Вилагра Делгадо, главниот преговарач на Аргентина. „Ние на Г20 им го покажуваме гледиштето на Југот, перспективата на една земја во развој. Оти ние се уште сме тоа, земја во развој. Тоа пак јасно се оцртува во нашите приоритети." А, тие се различни од оние на американскиот претседател Трамп, заклучува Делгадо.

Обврска за соработка

Домаќините се надеваат дека лидерите на светот, кои покриваат повеќе од 80 проценти на глобалниот ГДП и покрај Трамп повторно ќе ги приближат ставовите. „Моја желба е во финалниот документ од Г20 моќните да се обврзат повторно заеднички да работат за доброто на сите." Изјавата од Самитот ќе биде донесена вториот ден, кога Доналд Трамп веќе ќе биде заминат. Дипломати на ЕУ во пресрет на самитот велат дека во многу точки имало преклопувања и со делегацијата на САД. На пр.постоижелба заеднички да се реформира Светската трговкса организација. Едно мора да им се признае на Трамп и колегите, а тоа е дека „многу нешта ги раздвижија и доведоа до придвижување во застарените конфликти." Водечкиот преговарач на Аргентина, Педро Вилагра Делгардо го сумира неговото мото за претстојниот самит на Г20: „Единствено е сигурно дека се се менува. Статична состојба во меѓународната заедница не постои."

Хамбург: „Добредојдовте во пеколот!“

„Добредојдовте во пеколот“

Првите масовни анти-глобализациски протести се одржаа во четвртокот во Хамбург, на ден пред почетокот на самитот на Г20. Организаторите го нарекоа нивниот протести „Г20: Добредојдовте во пеколот“.

Хамбург: „Добредојдовте во пеколот!“

Протестно танцување

Повеќе од 10 илјади луѓе танцуваа на звуците на техно музиката во близина на пристаништето во Хамбург во средата. Својот протест го нарекоа „Lieber tanz ich als G20", што би можело да се преведе како „Танцувањето е подобро од Г20“.

Хамбург: „Добредојдовте во пеколот!“

Судири во Хамбург

Полицијата со водени топови се обидува да разбие блокада на улиците во близина на населбата Сенкт Паули во Хамбург. Ангажирани се околу 20 илјади полицајци, помогнати од 28 хеликоптери, 185 полициски кучиња, 40 водени топови и околу три илјади полициски возила.

Хамбург: „Добредојдовте во пеколот!“

Закана од насилство?

Полицијата соопшти дека во неколку рации во околината на Хамбург запленила ножеви, стапови и бејзбол палки- веројатно наменети за анти-капиталистичките протести. Десетици илјади демонстранти се очекуваат за самитот. Најмалку 8 илјади се очекува да бидат анархисти и радикални левичари, кои би можеле да употребат насилство.

Хамбург: „Добредојдовте во пеколот!“

'Yes we camp!'

Овие демонстранти од француската група „Attac“ планираат неколку маршеви за време на самитот. Членовите на организацијата кампуваат во паркот Алтона во центарот на Хамбург, каде полицијата им дозволи да постават околу 300 шатори.

Хамбург: „Добредојдовте во пеколот!“

Пластични фигури

Протестите на Оксфам на 2 јули повикаа на еднаквост и од Г20 бараа да „се намали разликата меѓу богатите и сиромашните“. Не е тешко да се погоди кон кого беа насочени пораките.

Хамбург: „Добредојдовте во пеколот!“

Речна флота

Цела флота заплови по реката Алстер, организирана од невладини организации чии членови носеа транспаренти и гардеорба во виножито од бои. Добија поддршка од голем број луѓе на брегот на реката.

Хамбург: „Добредојдовте во пеколот!“

Зомби демонстрации

Уметничка инсталатија е организирана за време на Г20, со зомби фигури кои се појавауваат насекаде низ градот. Мртовците потоа однеднаш оживуваат- иако тоа не се поврзува со одлуките кои се носат на самитот.

Хамбург: „Добредојдовте во пеколот!“

Протести за стари и млади

Старечки дом кој се наоѓа на патот кон местото каде се одржува самитот постави своја порака: Мирни средби за сите за време на Г20! Но, мирните средби би можеле да останат само пуста желба.

Следете нѐ