Турските националисти со нова партија го предизвикуваат Ердоган

Отпадниците од турската ултранационалистичка партија најавија ново движење, кое има за цел да го предизвика Ердоган. „Добра партија“ би можела да земе гласачи и од останатите партии.

По неколкумесечни подготовки, 61-годишната Мерал Аксенер, поранешна министерка за внатрешни работи, во средата во Анкара ја регистрираше  партијата „Iyi Party”- „Добра партија“.

Таа е остра критичарка на турскиот претседател Реџеп Таип Ердоган и на неговата владејачка партија Партија на правда и развој (АКП), кои ги обвинува за поткопување на демократијата, судството, безбедноста и економијата. Сето тоа таа го истакна претставувајќи ја програмата на сопствената партија.

Централно-десничарската партија е секуларна, конзервативна и националистичка, пополнувајќи простор во политичкиот спектар во кој би можела да им одземе гласовите на исламистичко-националистичката Партија на правда и развој (АКП), на главната секуларна опозиција - Републиканската народна партија (ЦХП), како и на ултр-националистичката Партија на национално движење (МХП).

МХП се распаѓа

Заедно со бројни други еминентни членови на МХП, Аксенер во минатата година беше исфрлена од партијата, по обидот да го смени лидерот Девлет Бахчели на партискиот конгрес.

Обидот Бахчели да биде сменет го блокираа судовите и владата, по што Аксенер го обвини Ердоган оти се меша во судството и во полицијата, за да ја спречи промената на власт.

Девлет Бахчели

Поделбите во МХП се појавија кога Бахчели му пружи поддршка на Ердоган, да биде променет уставот на земјата и да биде воведен претседателски наместо постоечкиот парламентарен систем. Аксенер вети дека во Турција ќе го врати парламентарниот, откако во април на контроверзниот референдум беше поддржано востановувањето на претседателски систем во државата.

Бројни проминентни членови на МХП во текот на неколкуте месеци пред регистрирањето на новата партија станаа нејзини симпатизери, како и стотици членови на партијата кои делуваат на локално ниво.

Во подготовки за избори

„Добра партија“ ќе се подготвува за локалните избори најавени за во март 2019 година, а потоа во ноември ќе се одржат и претседателски и парламентарни избори.

МХП и АКП ги споделуваат турскиот национализам и конзерватизам, кои географски го преминуваат Црното Море, централна Анадолија, Анкара или Истанбул.

Големи се шансите „Добра партија“ да ѝ земе гласови на МХП и така да го отвори прашањето дали ултранационалистичката партија ќе биде во можност да го премине изборниот праг од 10 проценти за да влезе во парламентот.

МХП претрпе големи штети на изборите во ноември 2015 година, губејќи половина места и едвај преминувајќи ги потребните 10 насто.

Ердоган најавува нова Турција

Повик да се излезе на улиците

Додека траеше обидот за пуч, турскиот претседател Реџеп Таип Ердоган ги повика поддржувачите да излезат на улиците и да ја спречат армијата во обидот да ја симне од власт владејачката АКП. Откако воениот удар заврши неуспешно, Ердоган се заблагодари на неговите поддржувачи и од тој ден, тој секоја вечер ги повикуваше граѓаните да излеуваат на демонстрации.

Ердоган најавува нова Турција

Некогаш под репресија - сега моќни

Финалните собири беа одржани во недела. Во Истанбул се собраа два милиони граѓани, а во Анкара околу 10.000. Истовремено, речиси осумдесет градови низ целата земја одржаа демонстрации за поддршка на Ердоган. АКП е првата исламистичка партија во Турција која преживеала воен удар. Поддржувачите на Ердоган на тоа гледаат како на триумф над традицијата на воени удари во земјата и секуларниот устав.

Ердоган најавува нова Турција

Оптимизам за нова Турција

Во својот говор во Истанбул, Ердоган вети дека „ќе ја изгради Туција од почеток“, а расположението помеѓу поддржувачите беше оптимистично. Лале Алики, агент за недвижности од Анкара кој беше присутен на сите демонстрации кои следеа по обидот за пуч изјави: „Кога чистката ќе заврши Турција ќе напредува, затоа што тие кои беа инфилтрирани во владата, повеќе нема да бидат товар за нашата држава“.

Ердоган најавува нова Турција

Привремен социјализам

Хава Озкан ко-претседавач на курдската организација Тухад-Фед вели дека демонстрациите имале целосна поддршка од владата. За присутните на протестите била обезбедена храна и вода, а јавните претпријатија во Анкара и Истанбул нуделе бесплатен превоз за време на последните три викенди, со цел да се овозможи масовна мобилизација. „Ова што се случува во Турција е привремен социјализам“, вели Озкан.

Ердоган најавува нова Турција

Подем на социјалните медиуми

Во кризни ситуации социјалните медиуми во Турција се забранети. Преку говорот на Ердоган кој се емитуваше преку FaceTime, се до снимките од насилство врз цивилите – социјалните медиуми се покажаа дека „работат“ во полза на владата. Критичарите сметаат дека владата намерно дозволила непрекинат пристап до социјалните медиуми затоа што се покажало дека е во корист на Ердоган.

Ердоган најавува нова Турција

Ова е само тренинг

Некои сметаат дека демонстрациите се начин АКП да ја засили својата база на поддржувачи. Мухамед, бегалец од Сирија кој беше сведок на пучот во Египет, а сега живее во Турција, рече дека демонстрациите се „тренинг за поддржувачите на Ердоган“ и дека „наскоро тој може да ги организира против некое друго движење кое не му се допаѓа“.

Ердоган најавува нова Турција

Преименување на јавните простори

Од плоштадот Кизилеј во Анкара до мостот Босфор во Истанбул, познати јавни места низ цела Турција беа преименувани во чест на оние кои ги загубија своите животи за време на обидот за пуч. Граѓаните сега патуваат од европската кон азиската страна на Истанбул преку мостот „Мачениците од 15 јули“.

„Добра партија“ би можела да добие и гласови од симпатизерите на АКП или да добие гласови од избирачите на опозицијата, кои се загрижени поради политичката и економската иднина на земјата под раководство на Ердоган.

Партијата МХП е основана во 1969 година и има мрачна историја, полна со насилство кога е во прашење односот кон Курдите и левичарите, а некои со неа поврзаната организација „Сиви волци“ ја изедначуваат со фашистичко движење.

„Добра партија“ во својата програма, исто така, ги изостави Курдите, потенцирајќи го на тој начин нејзиниот турски националистички карактер. Но, од друга страна, опширно се занимава со женските права.


Следете нѐ