Турција – Ирак – Курди
7 јуни 2007Реклама
Ирак и Турција ги демантираа извештаите дека турски војници навлегле на ирачка територија во борбата против курдски бунтовници. Нема никаква акција на турската армија, порача ирачкиот министер за надворешни работи Хшијар Себари во Багдад. Истото го потврди во едно телевизиско интервју и неговиот ресорен колега од Турција Абдула Ѓул. Во информациите на дописници од регионот претходно се тврдеше дека имало ограничена операција на турски војници на северот од Ирак, каде се позициите на курдските бунтовници.