Турција – убиен новинар судење

Денеска во Истанбул почнува судскиот процес за убиството на турскиот новинар од ерменско потекло Хрант Динк. Тој беше убиен на 19. јануари пред влезот во редакцијата на весникот „Агос„ каде беше главен уредник. Овој весник често ги критикуваше ограничувањата на слободата на мислење во Турција, а го осудуваше и геноцидот на ерменското население во Турција од 1915 до 1917 година. Двајцата главно осомничени за оргзнаиација на убиството се очекува да добијат казна доживотен затвор, додека 17-годишниот Огун Самаст, кој призна дека стрелал врз новинарот, може да добие 18 до 24 годони затвор.