Турција ја осуди американската резолуција за Ерменците

Турската влада ја осуди резолуцијата на комисијата за надворешна политика на американскиот Конгрес со која масакрот на Ерменците за време на првата светска војна се означува како геноцид. Официјален Истанбул смета дека е неприфатливо турската нација да се обвинува за нешто што никогаш не било направено. Резолуцијата беше усвоена и покрај предупредувањата од американскиот претседател Џорџ Буш дека тоа може да влијае врз односите со клучниот сојузник во НАТО и глобалната војна против теророт. Резолуцијата кон крајот на наредниот месец треба да се најде пред пратениците во претставничкиот дом на Конгресот.