Природен наместо туристички рај

На оваа #ФотографијаНаДенот може да се види прекрасниот залив Маја на островот Пи Пи Ле во Тајланд која е вистински магнет за туристи од целиот свет веќе две децении, откако стекна огромна популарност поради филмот „Плажата“, со Леонардо ди Каприо во главната улога. Оттогаш меѓутоа започна и уништувањето на богатиот подводен свет во заливот. Сега, три месеци по воведувањето на забраната меѓутоа тајландските власти објавија дека коралите и подводниот свет интензивно се опоравуваат. По истекот на забраната на 1. октомври, туристи ќе можат да ја посетуваат плажата во ограничен број, а пристапот за чамци и бродови ќе остане целосно забранет.