Фотографија на денот: Снегот и мразот не попуштаат

На сите кои во Германија планираат викендот да го поминат некаде на друго место, им се препорачува: тргнете што е можно порано, или одложете го патувањето за сабота! Затоа што за денеска се најавува нов снег, кој подоцна ќе премине во дожд, а тоа на улиците значи - мраз и опасни услови за возење.

Снегот и мразот со денови ги држат цврсто во прегратка германската покраина Баварија и Австрија, а под товарот на снегот стенка и покраината Саксонија. Возовите доцнат или не возат, насекаде има предупредувања од лавини. Има делници кои се затворени за возење, или кои се отвораат повремено, кога тоа го дозволуваат временските прилики.

На нашата #ФотографијаНаДенот автомобил минува преку мост во регионот Унтертауерн, во Австрија. Мора да се признае дека снегот одлично си ја завршил работата, барем за фотографирање.