1. Прескокни до содржината
  2. Прескокни до главната навигација
  3. Кон други страници на DW
Здравје

Цел Париз под маска

СН/дв
28 август 2020

Поради забрзаниот раст на нови случаи на Ковид-19, од денеска на целата територија на францускиот главен град важи обврска за носење на заштитна маска на отворено.

https://p.dw.com/p/3hcKD
Frankreich I Paris I Eiffelturm I Coronavirus
Фотографија: Getty Images/A. Jocard

Досега, носењето на маската на отворено беше задолжително само во делови на Париз, кои беа прогласени за „црвени зони“ поради високиот број на инфекции од коронавирусот.

Но со оглед на тоа што овие „зони“ се расштркани непрегледно низ целиот град, многу луѓе и досега носеа маски насекаде во градот.

Новото правило за задолжително носење маска во цел Париз, стапи во сила денеска а се однесува како на пешаците, така и на велосипедистите и на мотоциклистите.

Франција вчера пријави  6111 нови  инфекции со коронавирусот за едно деноноќие. Тоа е највисока бројка од крајот на карантинот во земјата - и втора највисока по регистрираните 7.578 случаи на 30 март за време на првиот пик на пандемијата.