Хакери на кинеската армија упаднале во владините компјутери во Берлин?

Хакери на кинеската армија најверојатно стојат зад тајните шпионски програми пронајдени во дел од владини компјутери во Берлин, пишуваат германските медиуми. Според информациите на “Дер Шпигел” во компјутери кои ги користат во кабинетот на германската канцеларка Меркел, во министерствата за надворешни, стопанство и за развој, пронајдена е програма од типот “тројанец“. Трагите на испраќачот наводно посочуваат на Кина. Министерството за внатрешни работи не сакаше директно да ја потврди информацијата за хакерски упад во владините компјутери. Преземени се соодветни мерки за одбрана, поради што не се регистрирани штети во системот.